مامجبور احط رأسي على صدرك واكشف المستور

[عاشق عيونك]

مامجبور
مامجبور احط رأسي على صدرك واكشف المستور
ولا مجبور اغني ... والجنح مكســور
ولا مجبور اشيلن همك وهمي وافتر فـرة الناعور
ولا مجبور اصيرن سندباد اتخوض بيـه بحور
بس مجبور اتلاوه ويه روحي واكتم اسراري
واكتل كل ثنايا الطيب خاف الطيب يولد عندي بافكاري
واشير الروح ياهو الرايده اختاري
انه الجانت شواطيي تناغي الروج والجاري
وانه الجانت تسر الصاحب اخباري
تعبني الزمان او جار حيل وياي... وكتي وهدهد اكتاري
ورافكني التعب من رقة اضفاري
بس ... كافي ... عرفت منين دربي اوين معباري
بس .. طلعت شمس كشفت زوايا الليل والمستور ظل عاري
ماريدن اصيرن للسـوالف شـير... ولا ريدن اصيرن بالعشك ساري
مسطاح المحله وفوك جبدي اتدوس ..خذت صافي الحصاد وظل الي الذاري
بعد ما ظل كلب يحمل مرار وضيم ... ولا يعزف بعد للعشك قيثاري


منقوول

[ام فيصل]

ماريدن اصيرن للسـوالف شـير... ولا ريدن اصيرن بالعشك ساري
مسطاح المحله وفوك جبدي اتدوس ..خذت صافي الحصاد وظل الي الذاري
بعد ما ظل كلب يحمل مرار وضيم ... ولا يعزف بعد للعشك قيثاري


الله عليك ياعاشق
قصيدة جدا جميلة
حزن وملامة والم -- تشعبت منها كل الأحاسيس واشجت ارواحنا
اختيار موفق
عاشت ايدك عزيزي
ودام لنا هذا الإبداع
مع تحياتي وتمنياتي لك بالمزيد من التميز

[سلام الدراجي]

والله وعاشست ايدك اخي العاشق الولهان تحيه لك من القلب لنقل هذه القصيده الرائعه
وكل عام وانت بخير

[أنثى شرقية]

عاشت ايدك اخوي الطيب
ودام لنا هذا الإبداع

تحياتي الك
وكل عام وانت بالف خير

[ام علاوي]

بعد ما ظل كلب يحمل مرار وضيم ... ولا يعزف بعد للعشك قيثاري
الله عليه الكلب شكد يحمل مرار وضيم
والله عليك ياعاشق شكد لامست المشاعر
مبدع ومميز ومتألق
دوم الابداع والتميز
تحياتي

[رشا]

شكراااا على موضوع روعه تقبل تحياتي

يسلموووووووووووووووووو

[عاشق عيونك]

كل عام وأنتم بخير
سلام..أحلام..أم علاوي..رشــــــــا
منورين شكرا ع المرور

تحياتي للجميع

[twfeek]

عزيزي عاشق عيونك
انشاء الله يبقى قيثارك يعزف ليطربنا نقلا مفردات جميلة وحساسة..تسلملي

توفيــــــــــــــــــــــــــــــق