حوار بين زوج وزوجتة
حوار بين الزوج وزجته
هـــــــــــــــــــــــــي
كلي اشبيك نايم شنهي سالفتك
احجيلي الصدك ايمان حلفتك
مومليت انة اشكثر كعدتك
مثل الناس زلمة اتصير لونوبه
هــــــــــــــو
مثل الناس انة وبالحجي امعدل
دور عالشغل لتكولي مااندل
شتريدين يم السان مايخجل
متسكتين عني وروحي يالعوبة
هــــــــــــــــــــــي
عوبه تكول عني وراح اشك زيجي
اذا ابوجهك اصبح ما افك ريجي
أتطفر دوم جنك خايب زريجي
هم رجال عندي وزوجه محسوبه
هــــــــــــــــــــو
بيج ارضيت اني استحمدي الباري
لو عد غيري اصلا ما الج طاري
شوشتي العكل ونشدهت افكاري
ما تحجين لو سنين مكروبه
هـــــــــــــــــــــي
خايب وين عكلك حته شوشته
اسم رجال انه اليمي اشوفنه
راس الثور راسك بالضبط جنه
غم حضي اطلعت ياناس مغلوبه
هـــــــــــــــــــــــو
المغلوب انه تورطت ورطه
مو نسوان هاي بهل وكت شرطة
الاخضر من تشوفه بعينهه تحركه
مو نسوان لعبت بالزلم طوبه
هــــــــــــــــــــي
كون زماط كمت تزامط ويايه
اسمع زين وحفض هاي الحجايه
باجر راح افرك كل الولايه
لو بلحاف ابدلك ترهم وصوبه
هــــــــــــــــــــــــــــو
شما تردين احجي بساع خلصيني
يم شعر العكش ياوجه الحصيني
ما ريدن اشوفج خايبه بعيني
مغسوله غسل لا حظ ولا حوبه
هــــــــــــــــــــي
اسمعك زين ضل براحتك احجي
بس باجر اكلك مو تضل تبجي
منك راح اسوي مدبس وطرشي
وكنتاكي وعله شويه مقلوبه
هــــــــــــــــــــــــو
وينج وين هاي الشغله يا ملحه
كلج ما ابدلج خايبه بسبحه
هم عدهه شعر ياناس وتسرحه
متكومين خدري الجاي عالصوبه
هــــــــــــــــــــي
اسكت لاتخربط ولزم لسانك
ابو الجنيب جنك طالعه اسنانك
اصفريت مالك شحبت الوانك
حط راسك دكوم بطاست الروبه
هــــــــــــــــــــــــو
اسكتين لا اكوم بعجس اخضر
وسوي البيج والله الابد ما يخطر
لا زنجاري وجهج لا اكول اسمر
هم مريه انتي اعله محسوبه
هــــــــــــــــــــــــي
احله الناس انه وكلهم يشهدون
اطم الروح لو مثلك اليه عيون
بطين اطينت جنك وجه بزون
وبشخيرك والك امثال مضروبه
هـــــــــــــــــــــــــــــو
اشخر ليش منج ضايكه انفاسي
متخليني اكعد لو احك راسي
صدكي وياج بعده ما خلص داسي
شنهي البيج حته الخلقه مكلوبه
هــــــــــــــــــــــي
يا محراث هم تعيب اعله الناس
لو بليل شفتك اخرتع لا باس
من باجر اشغلك تغسل وكناس
متشطف بيتي كله متترس حبوبه
هــــــــــــــــــــــــــــــــــو
من باجر اخذي اغراضج وروحي
خل اطيب بلجن منج اجروحي
ضلي ابيت اهلج وني ونوحي
ما تسوين انتي اطلعتي جرجوبه
هــــــــــــــــــــــــــــــــي
باجر راح اهجول بيتك اتهجول
يالجنك فتيله مثعوله اتثعول
مو مليت حجيك صاير اتولول
سبع سنين اكل فلفل ولوبه
هــــــــــــــــــــو
شتريدين شنهي ريوكج مفطح
غم هل طول طولج يم وجه اجلح
ليل انهار هيه اكبالي تتمطرح
من اتصيح باجر هالمرة اتوبة
هـــــــــــــــي
مومليت منك وجزعت كلش
مورجال اضنك لتهش ولتنش
تركض للعمار وبيدك اتفلش
من مثلي برجلهه اليوم منكوبة
هـــــــــــــــو
هاي اطلابة اضن وياج ماتنحل
انعوف البيت يمكن راح نتهجول
خاف امهه تجينة السا لفة وتكمل
حريتي احسهه اليوم مسلوبة
هــــــــــــــــــــــــــي
خل انجيب واحد يحكم ابختة
اشلون ايصير واحد يكسر بعمتة
كل كلمة الكلتههاعليك محسوبة
هـــــــــــــــــــــو
يا اهل الفرات اشلون فهموني
مو مليت انة وراحت عيوني
اهج من الولاية اشلون تردوني
ادخلو ابقضيتي الكلهة مكتوبة
هـــــــــــــــــــــــي
اريدنكم علية ابصفحتي اتصيرون
شفت اشكال منة وانتو ماتدرون
عوبة ايكول انتو ابهالحجي تقبلون
اشلون ابصير ينكر هذا محبوبة
رد مع اقتباس
رد: حوار بين زوج وزوجتة
