ابــــــــــــــــــــــوذيات هـــــــــــــمومي

[أنثى شرقية]

اهمومي ماتعداها ارقام ونمر
متى نكدر نفوت اعليك ونمر
دليلي اعلى المصايب صلف ونمر
يضحك والدهر محرب عليه
*********
تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه
*********

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه
********
علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه


*********

الالم يتسلي بدموعي ويلها
واندل السكم روحي ويلها
وجعها آه من نزفه ويلها
كلبي والجفه انولدوا سويه

منقول
كل التقدير ..

[مريم جبران عودة]

علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه

\
\

كلها رائعة رغم الألم المختبئ بين الكلمات

شكرا لك على النقل الجميل

[أنثى شرقية]

علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه

\
\

كلها رائعة رغم الألم المختبئ بين الكلمات

شكرا لك على النقل الجميل

نورتي غاليتي وعزيزتي ماري
ربي يوفقك
وتحياتي لكي

[سلام الدراجي]

رائعه هذه الابوذيات احلام وانتقاء رائع بوركتي ودوم التميز ان شاء الله

[أنثى شرقية]

شكرا لك ابوي الطيب سلام الدراجي لمرورك العطر
ربي يوفقك
تحياتي