ذهب صافي طبعنة...... ما صدينة
وابد عن اليودنة .....ما صدينة
تصيد الناس واحنة.... ما صدينة
رغم نفس المكان انذب سوية
اريد اليوم ابين الضام والضم
يالمنهم عذاب الروح والضيم
حبل حبك اضل بي اشد والضم
واخيط بي فتك ثوب الاذية
اوصي الراح والرد من رساله
شعجب شبساع ينسى من رساله
مشى وودا رساله من رساله
جهنم بالظرف وداها اليه
غيابك خلخل اعضامي .. وهدهن
واجر حسرات ببعادك .. وهدهن
آلي دمعات لو ابجي .. وهدهن
تفيض اليابسة ونغرك سويه
كتلني الشاد عصابه هوازي
قريت احروف البگصته هوازي
سالته منين گال انه هوازي
سالته السكن گال الناصريه
(( منقـــــــــــــــــول ))