حوار بين الام وولدها في دارمي مبكي جدا

[بنت البصرة الفيحاء]

هذه قصة حقيقية وتخص الشاعر مهدي الذي كتب هذا الدارمي الموّلد
عن طالب في جامعة تم اختطافه من قبل الارهاب الكافر وتركوا قلب والدته احر من الجمر
لعن الله الاحتلال وذيول الاحتلال من السلاجقه الناصبيين



الام :

بشرني يمه اتعود لو اگطع الظن
لسه الخوات اعليك يم راسي يبچن

الابن :

يمه الفرج مكتوب عند الله تلگيه
ساعه ويفك الباب وابنچ تبوسيه

الام :

عند الله يمه اثنين شارتهم اتصيب
صفنة لبو الحيران والام التجيب

الام مره ثانيه :

لا صحه لا مليون لا كل شئ ماريد
ردتك تدگ الباب وتكمل العيد

الابن :

عند الله موش ابعيد واتريگ وياچ
هوه العمر شيفيد ساعه ابلياچ

الام :

لاجوع افكر بيه ولا افكر ابماي
تفكيري راح اوياك بس ضلن اعضاي

الام مره ثانيه : ساعد الله قلبك

من عيني تشرب ماي من تعطش انطيك
ولو جعت شيل الروح مني وتعشيك

الابن :

يوميه اشوفچ طيف يم راسي تبچين
طبع الحلم مگلوب بلچن تفرحين

الام :


شلون افرح اوبالبيت كتبك يروحي
كل ساعه اشم اكتاب كاتلني نوحي

الابن :

يايمه ادري شبيچ وادري شتريدين
ابنچ محامي ايريد كلفيلي لحسين

الام :

كلفت ابو السجاد بچيته وياي
بلچن يفك مظلوم وايرجع ارباي

الابن :


يم بابچ العباس يسمع ونينچ
يعرف عزاچ اليوم هوه اليعينچ

[مصطفى الفراتي]

والله عاشت ايدج على هذا الموضوع
ونتمنى من الله عز وجل ان يبعد هذه الغمة عن هذه الامة
تحياتي
الفراتي

[مصطفى الفراتي]

شكراً لكي اختي العزيزة على الموضوع الاكثر من رائع والحقيقة القصة مؤلمة لما عانته الكثير من امهاتنه في العراق الجريح بس ان شاء الله يعود العراق ويوكف من جديد واحسن من قبل
تقبلي مروري
الفراتي

شكرا جزيلا لكي اختي العزيزة على هذا الموضوع المؤلم تحياتي لكي

شكرااااا لكي اختي على هذا الكلام
انشاء الله كل غريب يرجع الى احضان اهله


وين الله هسه ايعود وتفرح للابنهه
ونشوفه يمهه هناك غافي بحضنهه

[بنت البصرة الفيحاء]

ساعد قلوب الامهات على فقدانهم فلذات اكبادهن الله يرجع كل مفقود لامه والله يعدي هاي الازمة عن بلدنا بحق محمد وال محمد وتحياتي ومودتي لكل من مر على الموضوع

[نسيت انساك]

تسلم الايادي دارميات روعة
وننتظر المزيد

[حيدر القريشي]

حقيقة
دارميات اكثر من مؤلمه
للاسف هذا هو الواقع الذي نعيشهه
شكرا
مع تحياتي