مناجات وطن
لااطفال عدنه شافو الخير==ولاشياب عدنه ارتاحو من الهم
من اول عمرنا عشنا بالظيم ==وكضيتا اسنينه غم باثر غم
اول مايصير الطفل عدنه انرضعه اهات=وتلوليله بحزن من يبجي الام
ومن يكبر اشويه يحمل احزان ==وممنوع الفرح عنه ومحرم
كلها تريد تاخذ منه ماتنطيه==خذو حلمه وحياته ومصو الدم
ليش احنه علينه الفرح ممنوع ==وجاري بخيري المبيوك ينعم
ليش احنه حرام انعيش احرار ==وعبدي الجان عندي ايصير الي عم
ياهو المثل اصلي ماصل ايكول==وياهو اللي اله تاريخ مثلي
احنه اول حضارة باقدم التاريخ ==والكتبو احروف الابجديه اهلي
من عدنه انبثق قانون هاي الناس==والهسه البشرتتعلم بعلمي
ليش انه الفضت للناس بالخيرات ==نفس الكلو خيري حللو دمي
بيديه انطيتهم جنت اعتقد خوان==تالي خذو كلشي وكطعو جفي
شنهو انه الجنيته اتفرهد بلحظات==ومن ابسط حقوقه ينحرم ابني
باكو ضحكت الاطفال منا وبسمة النسوان==والاسود صار موده وماخلص حزني
ليش اللي ادورله الفرح والخير==يدورلي الحزن ويجيني متعني
صالح قاسم
رد مع اقتباس
مشاركة: مناجات وطن
مشاركة: مناجات وطن
