خذني يمك ****

[بلسم الروح]

خذني يمك بعد ماضل كل عذر لاتعتذر

ليل عمري وعمرك مخلص بعد مابيه صبر

خل نلم احلامنه وناخذ صورهن قبل لاياخذهن ابدربه الفجر

وخل نلم الباقيات سنيني وسنينك نسويهن عمر

وهنه ميكفن عمر؟؟

ونبدي من جده وجديد بواهس سنين الصغر

ولو وازانه الكبر

خل تمشي ايامنه بخطوة العاقل من عثر مره ورجع يمشي حذر

وخل نعيش الحب ستر

خل نظم ارواحنه ابيناتنه وي اسرارنه وما نشتهر

وأفتخر بيه وي روحك وآني وي روحي اضل بيك افتخر

خل نسوي العشره ورقه

ونصنع من الدمعه والضحكه حبر

حتى كل لحظه التمر بالجاي نكتبها شعر

وخل نكول الماضي غلطه وذنب يسجل ذنب من ينذكر

حبني لاتضل تعتذر

حبني واجبرني على حبك؟ الروح ماتعشك لون ماتنجبر

السيف ماينهاب لوماكو الطبر

حبني لاتضل تعتذر

واعترف راح اعترفلك

واحنه شو نفس الامر!!

اثنينه انبعنه بسعر جوه السعر

اثنينه انبكنه حدر شمس الظهر

اثنينه السجين تانتنه نذر

اثنينه اتوهمنه بالحب ننتصر

اثنينه انعاني الغدر

واعترف راح اعترفلك

كلبي جان شكد جسر

وآنه جتفت الجسر

وآنه وزيت الحمامه على النسر

واسمع السر الخطر

صنم؟ سويته ابديه وادري ماينفع يظر!

وحاطه كبالي وعجيبه الشوك

من عنده انتظر

وانته مثلي بهل أمر

صنم سويته بديك شتنتظر

خل نهدم اصنامنه وكافي الكفر

وبالكي نهده ونستقر

وبلكت وياك وانه وياي استمر

وبلكت المامر كبل هسه يمر

وبلكت جناح العشك لبعيد ياخذنه ويفر

ونترك الممنوع والميصير

خل نغط بلماي من صرنه جمر

وبلكي نصحه من السكر

خذني يمك كبل لايخلص صبرنه

ويطفه دم وجوهنه وتطلع صفر

خذني يمك كبل لاينحك ذهبها اطباعنه وتطلع صفر

خذني يمك كبل لا يم الصفر ينحط صفر للشاعر المبدع جبار رشيد __________________

/
\


[]
/
/

/
/

[وردة بغداد]

تسلمين يا مبدعه

شعر جميل ورائع وراقي كما انتي

تحياتي الج بأنتظار القادم

[الحب الضائع]

شكرا لكي اختي على الاختيار الجميل

سلمت الانامل التي نقلت لنا هذا

لكي مني اجمل واطيب التحايا

تقبلي مروري

[سلام الدراجي]

تسلمين بلسم على الاختيار الجميل قصيده رائعه

[محمد السوداني]

خل نظم ارواحنه ابيناتنه وي اسرارنه وما نشتهر

وأفتخر بيه وي روحك وآني وي روحي اضل بيك افتخر

خل نسوي العشره ورقه

ونصنع من الدمعه والضحكه حبر

حتى كل لحظه التمر بالجاي نكتبها شعر

الله الله كلمات يقطر منها العسل وتفوح منها رائحة العنبر ,
يسكنها الوجد يغفو بين احرفها اطهر انواع الحب هو العذري
سلمت اناملك ودام لنا تمييزك وعطر مشاركاتك

تقبلي تحياتي وودي

[بلسم الروح]

رائع مروركم

لقد انرتم متصفحي من جديد

لكم منى باقة من النرجس