فاجعة العراق
شمسوين؟؟
وطنه على الهضم
والعوز
والحسراااات
وفكَهنه على البجي
وعلى الدم فتحنه العين
شمسوين؟؟
انتبهنه على الكنى
والسووووق
والتجنيد
وعلى الالي ومشاة ونقل وتموين
شمسوين؟؟
لكَينه أُمنه جرح
ويصمطه ملح العوز
جف بيه مستحه وجف اليدور إطحين
لكَينه أمنه غموووووس
بسفرة اللوعات
ومثل علج المطر ويلوج بيه البين
حس مبحوح أمنه
والضماير موت
وين الكَه أُخو أخيته؟؟؟
وين راح الزين؟؟؟
وينه الزين؟؟؟؟؟
مامش زين؟؟؟؟؟
وينه الزين؟؟؟؟
وينه اليدك صدره ويوفي عنا الدين؟؟؟؟
وينه الزين؟؟؟؟
لكَينه حرمله والشمر والحجاج
ودورنه اشكثر
بس مالكَينه احسين
لكَينه اثار وحشي
وغدر ابو سفيان
ولاصادفنه حمزه اليكَص عيب البين
لكَينه العامري
يتجعبن على الكَوم
يجول على الربع
ومدنجه الصوبين
ونعرفه بس علي اللي فكَس عين اللين
وتعبنه من الدواره
وماكو ابو الحسنين
شمسوين؟؟؟
لكَيناهه الشظايه ويانه بالكاروك
ولكَيناهه التلول اتمرعد السجين
انجبسنه من القصف والشعوط البارود
اشجنينه ويه الوكت؟؟؟
ولياهو مطلوبين؟؟؟
مميتنه
مميه مصيبه
والحليب اهموم
وخرخاشتنه حصره وحيرة إمتيهين
شمسوين؟؟؟
شمسوين؟؟؟
اسلاك الشائكه
دكَوهه حبل اهموم
نشر عليهه عمر مابيه حلوه اسنين
شمسوين؟؟؟؟
شمسوين؟؟؟؟
مافطمونه اهلنه
جذب هذا الكَال
من الله خلقنه واحنه مفطومين
شمسوين؟؟؟
حدايقنه مواضع جنهه ساحة موت
مذكية منايه ودمع مظلومين
وره كل جذع خاوي
لبد شبح الموت
وشواجير يتدلن فوك جذع التين
رمااااان اشكثر
تارس شليل الكَاع
دفاعي لو هجومي شرط على السجين
وقناعات احنه عدنه
مو قناعة روح
قناعات الوقايه الترسن الصوبين
اشجم جدول عذوبه يفيض على الناس؟؟
وجدولنه ضبط بيه الحبس تدوين
شمسوين؟؟؟
شمسوين؟؟؟
مرجوحتنه دمعه
يهزهه جف الااااااخ
تطيح من التعب
وينه اليكَومك وين؟؟؟
اطفااااال النااااااس
تلعب بضوه الصعادات
ولعبتنه احنه انفلاق
يغوش الميتين
شمسوين؟؟؟؟
شمسوين؟؟؟؟
كَلايدنه
قرص بس مو هويه البيه
ولا دم وفصيله بينه دم امنين؟؟
ويه كل حس قذيفه
البيت يهتز طيب
يفززنه القصف
واحنه بمعزة النوم
مثل لجمة جرح من نفز مرعوبين
ويه كل حس قذيفه البيت يهتز طيب
ويظل ينكث مروه السكَف مال الطين
(ابو محمد المباحي)
رد مع اقتباس
.gif "66 (46)")
