انت مو اول محب .....!

[الشاعر ماجد الدعمي]

انت مو اول محب
عافني بنص الطريق
هواي كبلك ياترف
عافوني !
انه ليل شتاي
يمطر بس هموم
ومن اضيع بنص هموم
الشوك بس تلكوني
انه عاشك
والدرب صوبيته موت
ومن اموت شلون
هم تحيوني ؟؟
تاني ايدك عود مره
ادكلي باب
ومن اكولن ... هااا
ميسمعوني .
اني لاويت شكثر
ولا منلويت
بس عيونك اعترف يلووني !
انه اسولف بالعشك ليل ونهار
والسوالف تبحر وي
ضنوني
انه بدونك ريشه بيوم ريح
ومدري انتو شلونكم
من دوني ؟؟؟
ازرع القداح اشو حنظل يصير
وهم اداري واسكي فيض عيوني
وخل يصب نهران فيض عيوني
وانت مو اول محب عافني
بنص الطريق
هواي كبلك ياترف عافوني
بروحي جمرة شوك تحركني
بسكوت
وخلهه تحرك روحي
لطفوني !!
تريد تمشي راح اطش
عمري وراك
وهواي كبلك ياترف
عافوني ...!

ماجد الشاعر
16 / 5 / 2009

[حيدر القريشي]

جميل ما خطته اناملك اخي العزيز ماجد
سلمت وسلم قلمك الذهبي
تقبل مروري المتواضع على صفحتك المشرقة
ولك مني ارق التحايا

[أنثى شرقية]

انه ليل شتاي
يمطر بس هموم
ومن اضيع بنص هموم
الشوك بس تلكوني
انه عاشك
والدرب صوبيته موت
ومن اموت شلون
هم تحيوني ؟؟


الله عليك بابا ماجد
يشرفني وسعدني ان اكون اول المارين على قصائدك الرائعه
ودام نبضك ودام مداد قلمك ياشاعرنا الكبير
تحياتي لك اينما تكون بابا

[أنثى شرقية]

ازرع القداح اشو حنظل يصير
وهم اداري واسكي فيض عيوني
وخل يصب نهران فيض عيوني
وانت مو اول محب عافني
بنص الطريق
هواي كبلك ياترف عافوني
بروحي جمرة شوك تحركني
بسكوت
وخلهه تحرك روحي
لطفوني !!


الله بابا تكمله جداااا رائعه للقصيده واجتي على الجرح بابا الغالي

دام نبضك ومداد قلمك يامبدع الشعر كله
ربي لايحرمنا منك ابوي الغالي

[لبوة]

انه بدونك ريشه بيوم ريح
ومدري انتو شلونكم
من دوني ؟؟؟

اخي ماجد كلمات جميله واحساس رائع
عزفٌ على اوتار القلوب
لقد رسم قلمك صور جميله فاأبدع
لك تحياتي
أختك لباب

[الشاعر ماجد الدعمي]

حبيبي واخي الغالي حيدر القريشي
شكرا لمرورك الرائع نورت متصفحي
بتواجدك هنا .........

[الشاعر ماجد الدعمي]

احلام
شكرا لروعة المرور وشكرا لكلمتك
الغاليه اتمنى لك التالق
والابداع الدائم
وتفبلي دعواتي
تحيااااااااتي

الله عليك يالغالي ماجد كلمات في قمة الروعه

واحساس صادق دام لنا نبض قلمك المميز


مع تحياتي