دأرمي بين الحبيب وحبيبته

[وردة بغداد]

شلونک یبعد الروح والناس کلهه


روحی شتهت ملگاک حایر شگلهه
***
یلتسئل عل الحال اسمع لگلک


حال الیتیم تهون عن حال خلک
***
شنهو الذی ماذیک یابعد روحی


لتگلی مامرتاح تزود جروحی
***
وشلون اگلک زین وکاتلنی فرگاک


عگبک الحال البی مایعجب عداک
***
سولف وگول شبیک وهمک احمله


لو چان والله جبال چاشلته کله
***
تاذینی کلهه الناس یدرونی احبک


وکل هاذه مهتمیت بس کاتلنی بعدک
***
صبری یبعد چلای ویابعد ناسی


اقبل حچی الگلتی وکله عله راسی
***
چایمته گلی تعود وتسکن الهم


تدری عله فرگاک عیونی جرت دم
***
الله کریم تهون وجای انه یمچ


وغصبن عله الیحچون بگلبی ارد اضمچ
***
اهلا وسهلا بیک یامای العیون


نلتقی انه ویاک وکل الیحبون
***
انشالله نلتقی وبحضنی اضمچ


وانعل ابو الیحچون منی ومنچ
***
یریحت گلبی هوای بهای الچلمتین


لفرشلک الدلال وسحگ عله العین
***
الله یدیم الحب ویخلی الاحباب


هاذه شعار نرید یندگ بکل باب
***
الحب یطیب الروح ویصفی الگلوب


ربی لتحرم حب من گلب محبوب

[الشاعر ماجد الدعمي]

وردة بغداد شكرا ع الباقه الحلوه من الدارميات
واقول لك :
ورده انتي من بغداد تزهي بعطرهه
كلب وعمر وعيون بس رهن امرهه

تقبلي تحياتي ومروري

[محمد السوداني]

الله یدیم الحب ویخلی الاحباب

هاذه شعار نرید یندگ بکل باب
***
الحب یطیب الروح ویصفی الگلوب

ربی لتحرم حب من گلب محبوب

وردة بغداد
مشاركة جميلة ومحاورة رائعة جداً
سلمت اناملك وطابت روحك
ننتظر منك المزيد
تحياتي وتقديري وودي للجميع

[وردة بغداد]

شكرا ماجد علمرورك وعلى الشعر الحلو القدمتى الي مشكور

وتسلم محمد علمرورك الدائم لمواضيعي

[شاعر غرام]

وردة أنتي من سماج أنتي احله وردة
بس بالج أتكطعين غصن المودة
__________

أتمنا أن نسمع منك المزيد
من المساهمات الرائعه

[سهر]

تسلمين حياتي على الدرامي الرائع

[ام فيصل]

الحب یطیب الروح ویصفی الگلوب


ربی لتحرم حب من گلب محبوب

محاورة جميلة عزيزتي وردة بغداد
وربي يدوم الحب في كل الكلوب
عاشت ايدجعلى هذه الدارميات
وننتظر المزيد
دمتي بخير

[وردة بغداد]

ردودكم جميلة جدا

تسلمون