طالب يريد يصارح بنية طالبة وياه بنفس القسم

[وردة بغداد]

طالب وعايف دروسي واقرا اشعار وجرايد
وعاشگ بنيه بقسمنه والگلب بس الها رايد
هي حلوة .. هواية حلوة واني عمي شلون واحد
بالفرن ناسيني اهلي وحتى لون عيوني جارد
حاولت الفت نظرها بكل وسيلة وماكو فايد
غيرت لبسي ومشيتي وفكري بالمودات شارد
وجللت شعري وصبغته ولبست حتى گلايد
گعدتني ع الحديدة لا بعت حتى الحدايد
لا تگلي ولا اگلك بهذلتني الله شاهد
وهي تدري بس خبيثة مثولة والدلال بارد
وانه نار بنص دليلي خاف اصارحها وتعاند
مرة اگول احجي معاها ومرة اگولن خلني راچد
وين چانتلي يربي چنت متونس وگاعد
وقررت لازم ابوح بحبي الها وما احايد
بوري ما بوري اسولف قابل مصارح مجاهد
جيت وتقربت يمها جسمي يرجف حيلي بايد
والضغط يمي تخربط مرة نازل مرة صاعد
گمت اتمتم گمت اعتعت گمت احس بلساني جامد
چني سيارة عتيگه وانكسر من عدها گايد
ردت افلت ما عاد ينفع گالت اتفضل شرايد
گلت عفواً من رخصتچ بلكي عندچ قلم زايد

[حيدر اللامي]

ههههههههههههههههههههههه
مشكورة اختي
ننتظر الجديد
تحياتي

[سمير الكرماني]

شكرا اختي على الكلمات الحلوه
انشاءالله هاي من عنك
ننتظر المزيد والتواصل الدائم
تحياتي

[محبة اسد العراق]

ههههههههههه

والله خوش موضوع و خوش كلمات تحياتي لكي

وناطرين جديدج

وتستاهلين تقيم يالغالية

[همس الغروب]

ههههههههههه
خطيه ليش مصارحها؟؟
مشكوره حبي على القصيدة
ارق التحايا

[وردة بغداد]

تسلمون علمرور وشكرا محبة علتقييم تسلمين وردة

[علي السلطاني]

شكرا على هذا الابداع الجميل بس الله يكون بعونه

[ابن الوسط]

هههههههههههههه عاشت الايادي روعه روعه
الف شكر اختي...ننتظر منك المزيد
تقبلي تحياتي