قصيدة مستاهل اتمنا تعجبكم

[الاميره]

مستاهل

ضل بونينك وانتحب كلي الغرور اشفادك
عذبت حالك بالقهر خل تشمت حسادك

رد ما أريد معاتبك خلي العتاب لروحك
وابجي على كيفك وافتكر بيمن تداوي أجروحك
جنت شعلاتك بالنضر صعب الصكر يلوحك
ونت الجنت ذيب الطبع وسفه غرورك صادك

ضل بونينك ونتحب كلي الغرور اشفادك
عذبت حالك بالقهر خل تشمت حسادك

لاتبجي ما اريدن دمع خلي الدموع تفيدك
لتكلي مجروح الكلب هاي الجروح من ايدك
زعلت روحي ألحبتك صدك بعد متريدك

ضل بونينك وانتحب كلي الغرور اشفادك
عذبت حالك بالقهر خل تشمت حسادك


ماسامحك أنت الخنت كلبي صخر لاميلين
يالتيهتني بغربتك ضيعت حب خمس سنين
خليتك بدربي ضوى تشع جنت وسط العين
تاليه جازيت الكلب بعته برخص خبز أطحين
أنت لردت درب الهجر ودرب الهجر ما رادك


ضل بونينك وانتحب كلي الغرور اشفادك
عذبت حالك بالقهر خل تشمت حسادك

[محمد السوداني]

الله الله قصيدة جميلة جدا وتعبير راق لي ان اقراءه ولأكثر من مرة
سلمت اناملك اختاه ودام نبض قلمك الرائع والجميل
ننتظر منك المزيد
تقبلي تحياتي وتقديري

[حيدر اللامي]

الله قصيدة جميلة فعلآ
دام هذا التالق
مشكورة اختي
تحياتي لكي

[ام فيصل]

مفردات جميلة
واحساس مؤلم ملئ السطور
حزنا ولوما وهجرا

مشكورة عزيزتي اميره
قصيدة جميلة
بنتظار جديدك ولك تحياتي

[الاميره]

الف شكر اخي العزيز محمد السوداني لمرورك الكريم في ساحت مقالالتي
والف شكر على التشجيع هذا بس من ذوقك الرفيع تقبل تحياتي

[الاميره]

الف شكر اخي العزيز مغترب اوسلو لمرورك الكريم في ساحت مقالالتي تقبل تحياتي

[الداودي]

الله الله قصيدة جميلة جدا وتعبير اجمل وارق
سلمت اناملك الاميرة ودام نبض قلمك الرائع والجميل
تقبلي تحياتي قبل حياتي

[عبدالله الرفاعي]

قصيدة جميلة
شكرا لك اختي الغالية اميرة