أبوذيات تخبل ~!!!!

[M!Ss 56ERA]

السلام عليكم ورحمة الله وبركاته


اليوم جبتلكم مجموعه
من الابوذيات



وكع كلبي بغرامك ماتشيلة
وترى كلبي التعذب مات شيلة
اخابر وانت تسمع ماتشيلة
وينك ياحلو بس رد عليه



اريد افرمت كلبي والغي رامه
واريد اشيل العشك منه والغرامه
عليك انت المخطط و الغرامه
لأن حسنك كسر غفلة عليه




محد حل لغز حبك حلالاي
وغيرك بلبشر لاضن حلالاي
نذر لو صار لبالي حلالاي
اجيب عيوني اطشهن واهليه



رخة جسمي علمودك من رخة صتك
وسومن بيك غالي من رخصتك
دست فوكي دكلي من رخصتك
حتى براحتك تسحك علية.




احبك من كلب ولسان ينسام
وجمالك بالذهب والمال ينسام
انه بسمج اريد الكلب ينسام
لان اسمج يرد عافيتي اليه




عدل صوبك جدامي جر عدل لك
وادليك بحجي المر جرعدلك
اثكل كافي بسك جر عدل لك
زعلت؟لاتجر عدل حقك علية





العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه


حبيبي الليل ما نامه وهم بيك
شجاك شغيرك عني وهم بيك
العواذل ما رعوا حبنه وهم بيك
تدري شصار جابولي الاذيه




وحق من كبرك يسمر ونماك
لساني بسوء مامسك ونماك
صرت بالحب ابوك انه وانماك.....انه امك
شجاك تغير اطباعك عليه



عــراق انــه لهــمـومك سلة سلني
وبـسـك من دخـيلك سلة سلني
ســيف وعـالمـنايا سلة سلني
واسحگ بــية كـل روس الردية



ردت مره على كيفك منك ابسل
وروحي تالي طلعت منك ابسل
ولك تدري شسوي من اكبسل
ادج روحي واكولن حيل بيه



سلطانك وصل للضيم خايب وصه بيه
انه بطيبي الصبي شاهد والصبيه
عابر سبيل احسبني ربك وصه بيه
وفك حبال ظيمك من اديه



كلبي مااختلف طبعه و لا دار
و ذهب ماهمني بعدك ولا دار
حبيبي لا وطن عندي ولا دار
وبس اعيونك بيت اتصير اليه




شمس شخصك شهب شعشع شمايل
شبه شامة شمع شايل شمايل
شمل شترك شجافيكم شمايل
شعوفنكم شمايلكم شجية


اريداخبط زميج الرمل والحر
وادور ع الصديج الوفي والحر
نخيت الله وابو الحسنين والحر
يحفط كل صديق يحن ل اخيه




تكل للناس عني انه ذاك
جنت بيه تتوسل انه ذاك
بعدني ولك خايب انه ذاك
اليشك حلوك لو طاح ابهبيه



بقه غامض سؤالي وياك منحل
وجسمي من السهر والليل منحل
ابشرك صرت بين الناس منحل
العسل حصتك وأنا اللسعات اليه



النوايب بالكلب نيران .. شعلان
وياهو اللي تحشمة يكول .. شعلان
لو يدري انغزينة اليوم .. شعلان
شك كبرة واجة فزاع الية




تعتني الروح مرة ومرة تلها.
ليالي شكد صعبة مرت الها.
همر قلبي وتاهت من رتلها.
تعال صير عبوة وطك عليه.






بلاداي


جريح الوطـــــن ينزف بلاداي
وجثير اجيوش هالــطبت بلاداي
اقاتل لو صرت عـــاجز بلاداي
مثل عبـاس بارض الغاضريه




يارب تعجبكم

[محمد السوداني]

عــراق انــه لهــمـومك سلة سلني
وبـسـك من دخـيلك سلة سلني
ســيف وعـالمـنايا سلة سلني
واسحگ بــية كـل روس الردية



الله الله باقة رائعة من الابوذيات سلمت اناملك يارائعة

تحياتي وشكري الجزيل

[هاشم نجم]

باقه منوعه من الابوذيات الرائعه
عاشت ايدكي وننتظر المزيد
لكي مودتي

[M!Ss 56ERA]

{ شكــراً لمروركــم و ردودكـــم الحلــوة

منوريين }