مدري شنهو الغيرك ؟؟؟

[الشاعر ماجد الدعمي]

مدري شنهو الغيرك ؟؟
مو انت ذاك ؟
ومدري ياواشي الترس اذنك حجي ؟
اني شلتك بالنبض
واعتب عليك
وويه كل رمشة جفن
ادعي وتجي !
اني اكول شغيرك وشنهو الي صار
واني وضنوني اعله دربك نرتجي
هاي عيني تبوس جدمك
لو تحن لينه وتجي
وانت لاتعتب علي كلبي رجيج
وكلب شاعر عندي
مو كلب النبي
ومدري شنهو الغيرك
وتدري الظنون كبال طولك
جنه مسبيه سبي
اني جابولي الحجي وماصدكيت
وماسمعته وكلت غيرك ما أبي
اني اعرفك وما اظنهم غيروك
واني ظلك وين عني تختفي
الهموم كبال شخصك تصفه ماي
وضحكه منك بيها صدك نكتفي
انت شيغرك جبل
وشايل حنين
وانه سفحك من اساسك مبتدي
وانت محد غيرك
انت الاصيل
والبشر نوبات يسهو مو نبي

[ام فيصل]

مدري شنهو الغيرك ؟؟

مو انت ذاك ؟
ومدري ياواشي الترس اذنك حجي ؟
اني شلتك بالنبض
واعتب عليك

وويه كل رمشة جفن

جميلة هي كلماتك يملأها العتاب والحزن والشجن
يامــــــــاجد
انا من يعتب عليك لعدم اكمال كلمات القصيدة
وانت المبدع دوما -- وانا المتلقي العطشان لعذب هذه الكلمات

لاتحرمنا من نبض كل كلمة يكتبها قلمك الذي اعتز به

تحياتي وودي ------------- عزيزي

[الشايب العراقي]

اتمنالكم التوفيق والابداع دائما
تقبلو مروري

[محتاره]

دومكــ مبدع ومتألق

دام لنا قلمكـ الراائع ودمتـ شمعه مضيئه بهذا الدربـ

خالصـ وديـ

[هاشم نجم]

كلمات يملأها الحزن والعتاب
قصيده رائعه ولكن قصيره
تحياتي لك

[محمد السوداني]

الله يا ماجد قصيدة رائع مطلعها اتمنى ان تكملها فانا رأيتها اليوم وكنت اول المطلعين عليها ولكني ظننت انك قد تكملها
تقبل تحياتي يارائع .......... ننتظر البقية
مع تحياتي وتقديري لقلمكم المميز دائما

[الشاعر ماجد الدعمي]

تحياتي لكم جميعا واسف جدا جدا
لا اعلم لماذا وصلت القصيده بهذا الشكل
يمكن كان النت ضعيف ..
ولي عوده معكم بعد ان اكملها من جديد

[سلام الدراجي]

حياك ماجد الرائع قصيده رائعه تحيه لك من القلب بارك الله بك اخي العزيز