أدك زنجيل
هاذهي القصيده موجه الى اعداء زوار الامام الحسين كتبت بقلم الشاعر سعد محمد الحسن
ادك زنجيل انته اشضارك من كون ادك زنجيل
تدحكني اعله عمده اتمس ثنايه الروح توجر نار حجيي وكوه بيه اتعيل
دعف وجوز عني ياهو امشي اعليك العمر كضيته سجه وانته تسحك ريل
كون اترد الي جاشلت الجبل وبراسي ادكن حيل
وكون ترد الي بعيوني ادك شلال ولوترهم اخدودي احفره نهر النيل
انته اشضارك من احزن بعاشور ومن تنتخي ادموعي وتنتفض وتسيل
كون اترد الي اتلثم اباهات وبوك الهندس والبسه من الليل
انته اشضارك من اطبخ بعاشور سوني ابره وجدر الهريسه الفيل
انته شضارك من كون اعلك اعلام وعلى راس العلم اسم الحسين ايشيل
مو حتى اعله العرش تلكه الروايه السود وتلبس كله اسود حتى جبرائيل
نوح الدنيه هزه والله علم نوح سويلك سفينه من يجيك السيل سواله سفينه وطمه جف الكاع وسفينتنه الحسين الابد عيب أتميل
الطم كفروني ابجي كالو عيب راوني المرار وضوكوني الويل نتمرمر صدك بس مانجرعه الويل وشواربنه اتخافك على احسوس الخيل ومن نطلع نجفل جن زراك اسهيل
وطبع كهوه انتونس على الدك الحيل
الزمن كبلك تلاوه ويل القضيه اسنين لحد ماصاح كافي وبويه انه ادخيل
انته اشضارك لو زرنه مشايه نزور احنه الكفيل الكد الحجايه كسر خشم الفرات وماشرب مايه نعم كد الكفاله وعدنه بيه اشهود طاحت ركبته وماطاحت الرايه
وهو الخاطرك والخاطر المجموع روح احسين اجت للموت محتامه جتفه المنايه وياه وهدت غيرته وجت تمشي جدامه
بمفتاح دمه فك وثاق الدين الدين منرمه بزنزانت اعدمه
رد مع اقتباس
