ابوذيات تخبل

[M!Ss 56ERA]

يحسون
هلك بأسمك ينادونك يحسون
وسبع خدام للكَـذله يحسون
اريداسطي واخاف اهلك يحسون
واخاف جلابكم تنبح عليه

حضنه
جنه من الدفواياناس حضنه
تعبنه وماكعد وياه حضنه
ماردت بوسه بس ردت حضنه
ومن احضنك العباس ميخلصك من ايديه

على شفاي
مريض وصعد مرضي على شفاي
وطب لندن فلاكادر على شفاي
يامحب من تحط شفتك على شفاي
اطيب وكل مرض مايبقه بيه

راسي
سهول الناس عندي وانت راسي
سفن غركَت بحري وانت راسي
انت صديقي واخوي وتاج راسي
واعز منك ترى ماكو عليه

خاوه
ذبـل عرش الكَلب لجلك وخاوه
وطمع ماريد من عندك وخاوه
الفخرموللذي عاشر وخاوه
الفخر والطيب لليذكراخيه

غابت
وحق الي عليه الشمس غابت
شكثرخوان وقت الضيق غابت
وشكد مصايب صارت وغابت
وضلت بس الشماته تّمرعليه

عناي
اريداكَطع طريق الشوق عناي
واسولف للوفي من الناس عناي
صديقي اليرد الضيم عناي
ويوم الضيق يصبح درع اليه

[هاشم نجم]

ابوذيات رائعه
عاشت ايدكي خطيره
تحياتي لكي

[الشاعر ماجد الدعمي]

شكرا لهذه الباقه الملونه
والجميله من الابوذيات
تحياتي

ابوذيات رائعه لكن ما تخبلت ههههه

عاشت الايادي

دمتي بخير

[M!Ss 56ERA]

ههههه
اي همزين انك ما تخبلت هههه

شكــرا لمروركـــم جميــعاً

[ام فيصل]

مشكورة عزيزتي
باقة جميلة ومنوغة
عاشت ايدج خطيرة
وتقبلي تحياتي

[محتاره]

وحق الي عليه الشمس غابت
شكثرخوان وقت الضيق غابت
وشكد مصايب صارت وغابت
وضلت بس الشماته تّمرعليه

كلمات راقت لي

الى الامام وبانتظارالجديد


باقات من الاماني بالتوفيق لك

تحياتي..

[مزاجية]

يعطيكي الف عافيه حبيبتي خطيره

بجد روعه الابوذياات

دمتي في حفظ الرحمن