اخاف منك تغير عليـــــــــــــــــــة

اخاف منك ..
أخاف تتغير عليَّ ..
وبلحظه اخسرك ..؟
وأخاف تنغر ابجمالك ..؟
وأخاف يتحول
رماد وياي جمرك ..؟
وأخاف يوم يمر عليًّ ..
واتشوفني ..
ويزداد قهرك ..؟
وخاف نزوة وكت ..
واتعوف المحبة ..
اشلون ؟؟
بعد اگدر أذًكرك ..
وانت حالف
ماگلت كلمة حبيبي ..
يمكن اتخاف اني أعيرك ..؟
غرگتني ..
ابثگل شوگك ..
وأبحر مجنون ،
واتريد اني اعَبرك ..؟
والله گلبي ايخاف منك ..
يا صعب
وشلون اگدرك ..؟
انت چلماتك طلاسم ..
منين اجيب الحيل
حتى اگعد وافسرك ..
أخاااااااااااااف اخسرك ..
أخاف أفرحك ..
واخاف من بعد الفرح ..
تتركلي مُرك ..!!
واخاف أحزنك ..
واخاف
من كثر الحزن ..
انطيك عذرك ..؟
تعوفني
وعذرك اقبله ..
وخايف
اشلون اگدر
اتحمل واهجرك ..؟
أخااااااااااااف اخسرك ..
اخاف گلبك مايحبني .. ؟؟
وخاف انت اتورطت ..
وانطيت سرك ..؟؟
واخاف اني اتجاوزت ..
من گلت احبك ..
وانت مابينت امرك ..؟
وخااااااااف كلشي ايصير ..
بس اني اعتقد ..
ماطلع مني اللي يضرك ..
اني يمعود ظنوني ..
وياي تلعب ..
من كثر
ماأجيب ذكرك ..
اني احبك ..
والله أحبك
وگول ، شتريد اعتبرني ..
طفل ،
مجنون ،
انتهازي ..
اشلون متحب اني اخيرك ..
المهم تنطيني كلمة ..
وماتخليني افكر ..
يوم اخسرك ....
بس .. خاف أخسرك !!!
ــــــــــــــــــــــــــــــــــــــــــــ
بمبــــــــــــوني

[ام فيصل]

عاشت ايدج عزيزتي بمبوني

قصيدة بمفردات جميلة ومؤلمة

فيها من الرجاء والتمني -- احساس جميل

شكرا لك وتقبلي تحياتي

[احمد النونو]

يارب يسعد كل ايامك أ. بمبونى يا سيدتى بكلمات رقيقة جسدتى لنا مرض عضال (الخوف) عدو الانسان
الذى يلقى بنفسه فى دروب المشاعر حجر تتعثر فيه الاحاسيس وتضل دربها وتتوه وما اروع اشراقاتك فى اخر الموضوع بان الحل بسيط التقطى ببراعة الحجر من الطريق واطلقتى المشاعر تعبر عما تريد تحياتى واحتراماتى

[هاشم نجم]

احساس جميل يا بمبوني
قصيده مؤلمه تحمل الرجاء والتمني
تحياتي لك

[الشاعر ماجد الدعمي]

رائع ماخطه قلمك بمبوني
وشكرا لاختياراتك المميزه
تحياااتي لك ودمتي
@@@@@@
@@@@@
@@@@
@@@
@@
@