الى كل من لم يقف مع الشعب العراقي في محنته

[حيدر اللامي]

الى كل من لم يقف مع الشعب العراقي في محنته
من حكومات وشعوب
*****
درب الخناجر

خلهه خلهه اليوم تطلع
وتنكشف كل السراير
وخلي خلي العالم اجمع
يشوف بعيونه المقابر
امس صحنه
وصوتنه هـز المنابر
امس صحنه
وصوتنه بح الحناجر
امس صحنه
اعله من صوت المناير
بويه حكم البعث جاير
والله حكم البعث جاير
غلست كلهه علينه
وباعـت ارخيص الضماير
ومن تحزمنه وفزعنه
سـدوا علينه المعابر
ومن هتف شعب العراق وكَـام ثاير
زرعـوا بدربه الخناجــر


عفيه يا شعب العراق
اشلون هاي سنين صابر
خلصت عــمرك وحــيد
لامعين وياك يـوكَـف ولا فزع وياك ناصر
وانت مثل الجمل يا شعب العراق
بس طحت كثرت عليك الخناجر
والبيك اتبيع جـانت
اجت هسه عليك تبـجـي وتجـبر اتريد الخواطر
وعلى المطامع
فزعت اولاد القنـا.............
كَـوم
كَـوم
ياشعب العراق واصرخ بكل كتر صرخه
بويه طبع الوكت غادر
تره طبع الوكت غادر
مثل ما وياك دار
على العده يندار باجـر
****

تحياتي لكم

[محمد السوداني]

عاشت ايدك على هاي القصيدة الرائعة والقويه جدا جدا جدا

الف الف شكر اخويه العزيز

تقبلي تحياتي وتقديري

[حيدر اللامي]

محمد السوداني منور تحياتي لك وشكرا لمرورك الرائع

[ام فيصل]

عفيه يا شعب العراق
اشلون هاي سنين صابر
خلصت عــمرك وحــيد
لامعين وياك يـوكَـف ولا فزع وياك ناصر

بل كان معه المعين يامغترب

كان الله معه في كل مواجعه واعطاه الصبر

انه العراق -- صوت الحق وعنوان الحقيقة

انه بلد الضاد

بلد العزة والكبرياء

احسنت على ماجادت به روحك عزيزي

وتحياتي لك

[حيدر اللامي]

شكرا لكي ام فيصل الرائعة منورة الموضوع تحياتي لكي

[عاشق عيونك]

عفيه يا شعب العراق
اشلون هاي سنين صابر
خلصت عــمرك وحــيد
لامعين وياك يـوكَـف ولا فزع وياك ناصر
وانت مثل الجمل يا شعب العراق
بس طحت كثرت عليك الخناجر


شكرا يلغالي مغترب يسلمووو يا اصيل


تحياتي

[حيدر اللامي]

انت الاصيل حبيبي عاشق نورت الموضوع تحياتي لك

[رقية]

حتى وإن لم يكن أحد مع العراق الغالي فالله كان معها و سيظل معها ...و أنا قلبي معها .....ترى كيف تحلو الحياة لي أو أتلذذ طعاما أو شرابا و أحد أعضاء جسدي يعاني .....قلبي و ربي مع العراق الحبيب

تقبل مروري المتواضع.... تسلملي