بجه جبريل يمك

[هاشم نجم]

عت نهر الفرات وصاح انا العباس
اختنك بيه الفرات وكال له ادخيلك
يتنفس ركبهم سيفك من ابعيد
وعين السيف بس رضعان تبجيلك
عينك كربلاء ودمعتك عاشور
والطف المقدس صار منديلك
مدري اشلون ربك مانفخ بالصور
من شاف الحسين امدنك يشيلك
احسينك ظل وحيد وملتهي بعباس
ياربي العرش جا وين سجيلك
ابدر جان الرسول وحيدر الكرار
وارسلت لمحمد كل ابابيلك
وذوله اخوان زينب يااله الكون
ما اشكل ولكن قصدي اشكيلك
عباس من ابدله لازم بعباس
وبس بحيدر الكرا ر تسجيلك
كمر كالوا عباس وما رضيت بهاي
بيت الكمر انت الكمر قنديلك
بدل جفك اجينه انصيح هاك اجفوف
ما كفن واجينه اعيون نهديلك
على شباك خدك خل دمعتك طير
ومن ريشات جنحه نريد زنجيلك
من زنجيل بيدك يالتدك زنجيل
غدا مفتاح جنه يصير زنجيلك
واذا بالدنيا تمشي وتوصل لعباس
باجر بالكبر عباس يبجيلك
برزخ شنهو برزخ يمك العباس
يا منكر يجي وعباس يدعيلك
بجه جبريل يمك من طحت مولاي
وكلب جنحه مهفه وكام يهفيلك



منقول
للشاعر المبدع
عماد الناصري

[ام فيصل]

اللهم صل على محمد وآل محمد


قصيدة رائعة لشاعر مبدع

صح لسانك ولسانه عزيزي هاشم

اختيار موفق كما عهدتك

تقبل مني ارق التحايا

[هاشم نجم]

شكرا لمرورك اختي ام فيصل
وتقبلي تحياتي ودمتي بالف خير