جريمة عشـــــــــــــك ..شعر صهيب السامر

[حيدر اللامي]

لاترجع ابد موشرط اعيش وياك
بدونك عايش اني وكلشي ماهمني
صح بعدك بجيت وصح ذرفت دموع
وصح العبره صارت حيل تخنكني
لكن مامتت بس حبك انت المات
هذا كبالك اني الضحكه رسمتني
عشت وياك امن ماعرفتك هيج
تنطر لحضه عينك ناويه تذلني
ليش بياسبب ؟؟ حاجيني صوتك وين؟
برر كل جريمة شوك ذبحتني
اذا تطلب جنت من روحي روح انطيك
واضملك عيني اخاف النوب تطلبني
جنت اسهر سهر ماعرف مثله الليل
اضل متاني صوتك حته يحضني
حرام شكد ضلمت جروحي بيدك هاي
اكلك فدوه كافي شبيك تضلمني
تضحك انت عادي ..وانه دمعي يسيل
رووووح الخاطر الله ارجوك فاركني
شسوي بحبك اني وانت كومه تراب
وبكلبك ملح ..ميفيد تزرعني
عزيزه دموعي ذيج النزلت بفركاك
يادمعي العزيز بداعتي اعذرني
وكلبي شكد ضلمتك ماقصدت ااذيك
خجلان انه منك فدوه صدكني
وانت ابعد علي لوهسه اموت هنا
ماتانيك ابد خليك هاجرني
واذا كل جسمي صاحك حته الييه تعود
اترك جسمي اني وانهزم مني

شعر صهيب السامر

__________________

سل سيفه النذل واتنخه بالكفار
والفجر بالوطن تلكاه ابن كافر


ضيعو شعبك انت بهالدول مفقود
للغربه الشعب يوميه ديهاجر


انصحك ياوطن ..!.. حضر جواز ال G
ولاوربا افلت ياوطن ســـــــــــــــافر


الشاعر
صهــيــــب السامر

[عاشق عيونك]

لاترجع ابد موشرط اعيش وياك
بدونك عايش اني وكلشي ماهمني
صح بعدك بجيت وصح ذرفت دموع
وصح العبره صارت حيل تخنكني
لكن مامتت بس حبك انت المات
هذا كبالك اني الضحكه رسمتني

الله يارائع يسلموو ع الكلام الحلوووو



تحياتي

[حيدر اللامي]

اللة يسلمك اخي العاشق شكرا لمرورك

[محمد السوداني]

قصيدة رائعة بوركت اخي العزيز
عاشت ايدك تقبل تحياتي وشكري الجزيل

[مصطفى الباشا]

واذا كل جسمي صاحك حته الييه تعود
اترك جسمي اني وانهزم مني

رائعه تجسدت باطروحه جميله وكلمات اجمل

[هاشم نجم]

عاشت ايدك يا مغترب اوسلو على هذا النقل الرائع
تقبل تحياتي ودمت بحفظ الباري

[حيدر اللامي]

الشكر لكم وليس لي لانكم نورتوني بمروركم الجميل