مسافر لوحدي

[الشاعر ماجد الدعمي]

مسافر انا لوحدي !
وبس طيفك انت وياي
وشنهو الاريده بعد
ومكيف انه بهاي !!
لو لحظه اغمض الجفن
تخطف علي صورتك !
واصرخ ولك يل وكت
هاي انت ومروتك !
دنيه انتي كلج عطش !
ومحبوبي نبع الماي!
محبوبي وجهه الشمس
وصوته اعذب من الناي !!
جن شعره روجة بحر
وجتوفه جنهه جروف !
ولو لاعب الماي الجرف
عالجرف مامش خوف !!
ومحبوبي ياضحكته جن بلبل يغرد
سبحانه فصلهه اله بس بيهه متفرد !
وبعد المسافه جذب
وكل لحظه هو وياي!
احجيله عني شكثر
وهم هو يحجيلي !!
واشكيله من الوكت وما ارضه يشكيلي!!
بخدوده جنة عدن
وبجفوفه روحي تبات !
تنسه وتعوف التعب وتمدد بطوله
وياطوله ماينوصف شو جنه هلهوله !
وبعد المسافه جذب
وكل لحظه هو وياي !
محبوبي ماينوصف صوته اعذب من الناي
والليل لمن يجي وينزل على الحيطان !
جسمي الك ينكلب ويصير كله أذان !
من بأذنه اهمس عشك !
وهو يهمس بأذني !
جن جنحي كد السمه
واعليك ياخذني !
محبو يادنيتي ويا اغله من روحي
بلسم لكيته امس متوسد جروحي !
ولتكلي احبيبك منو !
ولتكلي وك شسمه !؟
عيوني وخيالي ابد ما فاركن رسمه !
وبعد المسافه جذب
وكل لحظه هو وياي !
محبوبي ماينوصف صوته اعذب من الناي !!

ارق واحلى تحيه لكم من لخوكم ماجد الشاعر ....

[ام فيصل]

ولتكلي احبيبك منو !
ولتكلي وك شسمه !؟
عيوني وخيالي ابد ما فاركن رسمه !
وبعد المسافه جذب
وكل لحظه هو وياي !
محبوبي ماينوصف صوته اعذب من الناي !!

اللــه على هذا الوصف المحير

هنيئا لمن فازت بهذا الغزل

عاشت ايدك يارائع -- تحياتي لك

[حسام الرسام العراقي]

لو لحظه اغمض الجفن
تخطف علي صورتك !
واصرخ ولك يل وكت
هاي انت ومروتك !


عاشت ايدك يا اجمل قلم واجمل احساس شكرا جزيلا

[اسدالعراقي]

شكرا اخي العزيز ماجد
كلمات مميزة ورائعة وجميلة
ومليئة بالمشاعر والاحاسيس المميزة

[الشاعر ماجد الدعمي]

شكرا جزيلا لك ام فيصل الغاليه ولا اعرف كيف ابدي لك شكري لك كل التقدير

[الشاعر ماجد الدعمي]

حبيبي الاسد العراقي نورت الصفحه وسعيد بمرورك العطر لك تحياتي

[الشاعر ماجد الدعمي]

حبيبي حسام الرسام العراقي منور وجودك الكريم ومرورك الرائع لك تحياتي

[عبد الكريم البصري]

تحياتي لك اخي ماجد
وتسلم ايدك