ترد يمه

[هاشم نجم]

انا وياك وزماني من على من
وصفن فوكي اهمومك من على من
كبل ما اطيح مدري من على من
دكله طاح بالك ترد يمه
ولو عطشان احذر ترد يمه
وصل بس صاحت امه ترد يمه
وحرت ما ادري من يريد من
عطشوا بس تمادوا من يريد من
انا وكليبي نتسائل من يريد من
وطلع محد توانه حبسي وانا
ورجعنا اثنين نساءل حبسي وانا
الى متى نظل نحبكم حبسي وانا
وسوالنا مرض واعصاب وانتوا منتو يمنه
اشما نساءل نكلكم منتو يمنه
جاوبتوا ابروده منتو يمنه
اشيمكم مدري يمكم لا بعيدين
ولا بالصدفه اجيتوا لا بعيدين
راءيتواابعد واحد لا بعدين
بعد الروح عنكم هو اهم شي
وبالك لا تذل هو اهم شي
ولا تعتقد لحظه هو وهم شي
لا مو وهم هذا هو حقيقه
وبالك لا تظل بغير الحقيقه
وبعد الثاني عنكم بالحقيقه
هدف حبكم تغير مدري ماله
اشما تمشي اجدامي مدري ماله
وماله كلب البيه مدري ماله
واذا كلتولي مالي ما هو مالي
دهاكم شوفوا حبي ماهو مالي
طلع مالي وحلالي ماهو مالي
وصرت حتى اني يمكن مو اليه





تحيات



هاشم نجم

[مصطفى المالكي]

اخي العزيز هاشم نجم
شكرا على هذا زنجيل الابوذيه الجميل

تحياتي

العراقي

[محمد السوداني]

عاشت ايدك يا مبدع
تقبل تحياتي اخي العزيز
ننتظر مزيدك لاتبخل علينا
مع كل التقدير

[حيدر القريشي]

هاشم يا هاشم يا مبدع
فنان وكلامك جميل
شكرا لك اخي العزيز
وتقبل تحياتي

[عاشق كاتالونيا]

الله يا مبدع يا ورده
تقبل تحياتي اخي العزيز ونطمع بالمزيد

[ابن الوسط]

حياك الله ابو نجم
كلمات في غايه الروعه
تقبل مروري