معقوله!!

[بكاني الغرام]

من بعــد فرگـــت ســـــنين

معقـــولة !

للحــــب يـــــرده حنيــــن

قاصـدني لوصـدفة فـات
أخـاف ، أجاني شـــمات
حطيـت، أيدي على گلبـي
وعيــوني تكـت دمعـــات
كبـــرنا والكبـــر بيـــــن
بس لا، تضحكه الشـيبات

أنـا الچنــت، عنــده الحبيبة ، وكـل الحيـاة
يصيحلي ، يابعد عمري ، يا أحلى البنـات

معقــــولة !

اشــجابك علـي اشـجابـك
يـاتــرى منــي شــــــتريد
كـل مـا يـــزيد أقتـــرابك
دكـــات گلبــــي أتــــــزيد
لهنــــانه أوكــف وكــافي
هـــذا حــدك ظــل بعيـــد

قاصـدني لوصـدفة فـات ..

معقولة !

أبتســـملي، مــدلي أيـــده
ونظــرات عينـة ســعيدة
حيـــاني، ســـــلم عليــــا
سبگتني روحي على أيده
چنـــچ نســيتي يــاروحي
يـوم أمـس چنـتِ شــهيدة

قاصـدني لوصـدفة فـات ..

معقولة !

بالـك تظــن يـل حبيـــب
عن بالـي لحظـــة تغيـب
طيفــك خيـــالي وظـــلي
ياقســـــمتي والنصــــيب
بغيــابك وأنا بيــن أهـلي
چنت أحس نفسی غريب

قاصـدني لوصـدفة فـات
أخـاف ، أجاني شـــمات
حطيـت، أيدي على گلبـي
وعيــوني تكـت دمعـــات
كبـــرنا والكبـــر بيـــــن
بس لا، تضحكه الشـيبات

أنـا الچنــت، عنــده الحبيبة ، وكـل الحيـاة
يصيحلي ، يابعد عمري ، يا أحلى البنـات

معقولة ! ....
تحياتي لكم جميــــــعا
RANA

[الشاعر ماجد الدعمي]

عزيزتي رنا كلمات جميله ننتظر منك الاجود في المشاركات القادمه تقبلي تحياتي

[مسره]

كلش حلوه رناوي قصديتج تخبل
تقبلي تحياتي اختج مسره

[حيدر القريشي]

عاشت ايدج رنا
مقتطفات في غايه الروعه
تقبلي تحياتي

[ام فيصل]

سلمت الأيادي يارنا

كلمات مميزة

تحياتي

[مصطفى المالكي]

رنا
شكرا على ما قدمت هنا
تقبلي تحياتي

العراقي

[بكاني الغرام]

اشكر الجميع على الرد الحلو والمميز انه يعطيني ثقه بالنفس اكتر
تقبلو مروري فراشة قسم الخواطر رنــــــــــــــــــــــــــــوي