نسيانك كفر قصيدة حلوة

[ملكة الاحساس]

عنك ابتعد وشلون ظنيت
هم شفت البشر ما يدور الماي


اعوفك وانسى اسمك والهوى انساه
وارجعلك طفل ويصيح يماي


ياهو العلي وزك گلك انساك
الا مخبل وانساك يا هواي


اصيرن شجرة الك واتمدد بفيي
واذا تگصني يغرگكك جذري بفياي


اجرح بية اجرح لاتگول شلون
واذا جرحي تجرحة اقبل بهاي


كريم انة بمحبتك والگلب ينطيك
ولباقي البشر گصيت يمناي


واخذ من ضلعي سيفك غرزة بالروح
تلاگي گليبي يمك عل الغرز جاي


كل هذا واگلك باقي وياك
وانة الممنون الك لن باقي وياي


تكفيني ضحكتك من تجي مشتاگ
وانتة بداخلك يعزف الف ناي


احبك وانتة واحد ما تصير اثنين
يا جرحي وطبيبي وعلتي ودواي


يااول نفس وانة برحم حبك
يا عشگ الرضعتة وانة في مهداي


يا عيد ويمر عل الطفل بالافراح
لولاك انتحر صدگني من صباي


واعرف انة احبك انسى مرفوض
نسيانك كفر وأنة مؤمن بهاي


كعبةوبيك كل عاشگ يحج ويطوف
وحج بيك الگمر والنجم حفاي


وينطرون السنة حتى يزوروك
وكل يوم انة ازورك ضاجوا هواي


لذلك كذبوا گالوا عليّ ناسيك
وكل عاذل يمرنا يصير نعاي


يا شمس الصبح لاتفكر انساك
خيالك من تغيب مرافگ وياي


واخذها من الاخير اي عاذل إيمرك
فجرة ولاتجيني تگلي نساي


عليّ ياهو حبيبي اليوم .....وزاك
يل شفتك بحر والضرس.....وزاك
اصلي لالله چي جاباك ......وازاك
واصومن حتى بس نبقى سوية
منقول

[سلام الدراجي]

لي الشرف اكون اول من يرد تحياتي لكي على الابداع المميز اختي الفاضله والله قصيده اكثر من روعه عاشت ايدك واناملك الذهبيه على النقل( اعتذاري الشديد مره اخرى) تقبلي مرور اخيك

الدكتور الزير روماني

[محمد السوداني]

تحياتي لك يامتألقه دائما اخت ملكة الاحساس
سلمت اناملك وذوقك الرائع بالانتقاء
الف تحيه وننتظر جديدك المميز

[زينه]

شكرا حبيبتي على هاي الكلمات الي كلهن احساس
ياملكه الاحساس
يسلم ذوقك عمري
تحياتي

[حيدر القريشي]

قصيده روعه نابعه من مشاعر واحاسيس متميزه
شكرا
وتقبلي مني خالص الود والاحترام

[ملكة الاحساس]

شكرا على المرور واسلوبكم الجميل الزير عادي انت نبهتني