دارميات العراقي الجزء الاول

[مصطفى المالكي]

ما انسه حبك يوم اونسه اليالي
ولو غبت عن العين ينشغل بالي

سلاني سل فركاك خلاني خاوي

حملني كومه اجروح حاير شداوي

روحي وكلبي وياك راحن سويه
جيت انه اترجاك تردهن اليه

نيتي انكلب رسام ورسم الخدود
وارسملك الوجنات ابلون الورود

ما بعت حبك يوم لاوحق ربك
وكل يوم الي بدنياي يزداد حبك

بيك انه اكحل العين يوم الاشوفك
وامنيتي تبقه وياك ما لحظه اعوفك

شنهو الجمال البيك سبحانه ربك
الله يكون بعون كلبي الي حبك

شنهو الجمال ابيك ياللونك اسمر
ارحم اگليبي وياك خايب تمرمر

شلتك نبض بحشاي يروي الشراين
ولفي وعزيز الروح تانيتك اسنين

شلتك نبض بحشاي وكلت انته روحي
وسفه اطلعت بذات زيدت نوحي
مية جرح بالروح كلهن ينزفن
ولمن يمر طرواك باللحظة يشفن


تحياتي

مصطفى العراقي

[صلاح الطائي]

دارميات جميلة جدا يامصطفى العراقي واتمنى لك الموفقية ................

[مصطفى المالكي]

دارميات جميلة جدا يامصطفى العراقي واتمنى لك الموفقية ................

صلاح الطائي

الجميل والرائع هوه تواجدك في متصفحي
شكرا لمرورك الجميل

تحياتي

العراقي

[عماد العراق]

مسجات رائعة اخي الغالي بارك الله فيك
وبانتضار جديدك دوماً
اخوكم ال عماد

[مصطفى المالكي]

مسجات رائعة اخي الغالي بارك الله فيك
وبانتضار جديدك دوماً
اخوكم ال عماد

عماد العراقي
يسعدني ويشرفني تواجدك الجميل في متصفحي
شكرا لمرورك المتميز

تحياتي

العراقي

[حيدر القريشي]

دارميات ولا احلى مشكور
وتحياتي

[مصطفى المالكي]

دارميات ولا احلى مشكور
وتحياتي

اخي العزيز حيدر
لكم يسعدني تواجدك الجميل في متصفحي
شكرا لاطلالتك الرائعه

تحياتي

العراقي

تسلملي ياذوق على الدارمي الجميل