صافن والدموع

[قاهر البنات]

صافن والدموع

صافن والدمـــــــوع اتسيل صافن بيك واتذكر

من چنت انته اليه اتكول احبك واني اكول اكثر

تذكر من كعدنـــــــه اهناك يم الشاطي بالمكسر

كلتلي اوياك حــــد الموت كلتلي اوياك للمحشر

وانه المشيتك ابكلبي واكول اسم الله لو تعثر

واخاف ابزله اجرحك يوم من خوفي الحچي اتكسر

ولوليلك كبل لتنام واغنيلك أنــــــــــــــه وأشعر

احبك شاهد العباس على ابعادك أبــــــــد مكدر

حبيبي امروتك ابقه اوياي عليه اتشرط اتأمر

شو فجأه اوعفتني اوحيد حاير والله او محير

دكلي اشلون ويـــــــن الكاك كلبي اشلون يصبر

يا ســـــــــاس الكلب والروح كلبي ا عليك يتفطر

يا في الشجر بالصيف يــــــــورد الرازقي الأصفر

يـــــــــــوسعة ضيك للمحتاج اوستر للراد يتستر

يغزيــــــــــــــــــل يمر بالنوم وبجيته الطفل كركر

افكر بيك لليل انهار مـــــــــــــا انامً كمت اسهر

من يـــــــوم الغبت لليوم حبيبي الجيتك اتنطر

دمع ماظل وسط عيني يعمري الشوفك اتحسر

ظليت اعله عهدي اويـــــــاك ليش اعليه تتغير

تطشرنـــــي وانه الملموم هظيمه ابأيدك اتوذر

وانه الميتك ابروحي مـــــــــــن الكيتك امطشر

[محمد السوداني]

قصيدة رائعة وكلمات جميلة جدا واحييك على هذا الابداع المتوالد والاحساس المتجدد
تحياتي لك اخي العزيز ,,,,,,,,,,,,,
مع كل الود والاحترام

[قاهر البنات]

الله يطول بعمرك ويحفضك مشكووووووووووووور جدا على مرورك الجميل يعطيك العافيه على الردود الجميل