ابوذيات عراقية

ابوذيات مشوبة بالحزن ارجو ان تعجبكم

سواجي الدمع فوك الوجن وانهار
وناري عليك تسعر ليل وانهار
نص ساعة انتلف بجفاك وانهار
شتظن لو طول غيابك علية
............................................
روحي سهام هجرك مردنهه
ساعة ابعد اجروحك ساعة ادنهه
تهت ما ميز ايدي من ردنهه
نسيت ارداني وكصيت اديه
...........................................
ياظالم لاتهيج الروح خله
عساهه تموت بعد فركاك خله
لزم ايدي الطبيب وصحت خله
المرض بالكلب جا شلك بديه
.........................................
تدري شكد الك كلبي ولع ظام
ازغار حروحي يهونك والعظام
اموتن واندفن واعتك والعظام
تجيك زحوف لو صح اليه

.......................................
غرامك فتت المهجة وسلهه
وسهم هجرك مرد روحي وسلهه
انجوم الليل حلفهه وسألهه
حرام النوم من بعدك عليه
................................

[محمد السوداني]

ابوذياتك رائعه يانبع واهلا وسهلا بك في بيتك الثاني اتمنى لك طيب الاقامه والمزيد من مشاركاتك الرائعه تحياتي
لك محمد السوداني
اهلا وسهلا بيك وبكثر بلوياك
الكلب كبل الروح فز وتلكاك

[ابو علي الصكر]

اهلا وسهلا بك في منتدانا العزيز000
اهلا وسهلا بيك توه الفرح تم
لوما تجي هليوم جا كلبي طك دم0000

ابوذياتك رائعه وجميله وعاشت ايدك وذوقك على انتقائهن 00
ولا يحرمنا الله من ابداع الجميل00
ودمت بحفظ الرحمن00
الصكر

[العراقي الاصيل]

ابو ذيات جميله جدا وعاشت ايدك وابداع متواصل اخي العزيز
تقبل تحياتي