ودي اموت اليوم واعيش باكر

ودي اموت اليوم واعيش باكر
وأشوف منهو بعد موتي فقدني

ومنهو حملني لين ذيك المقابر
وأشكر أنا كل من كر مني ودفني

وبشوف يرثيني أنا كم شاعر؟
ومنهو تركني وما كتب شي عني

شخص تعى لي مع انه مسافر
وشخص قريب وأنا ميت طعني

وشخص يمثل دمعته ما هو قادر
وشخص تطيح دموعه كل ماذكرني

ومنهو من أهلي في العزى كان حاضر
ومنهو دعا لي في صلاته ورحمني

ومنهو بنى بأسمي سبيل ومنابر
ومنهو يفز قلبه الا من لمحني

ومنهو عشاني طول الايام ساهر
ومنهو ثلاث ايام راح وتركني

ومنهو يرتب غرفتي والدفاتر
وإن شاف صورة لي مات وحضني

يالله عسى ماتغفى كل المشاعر
ويالله عسى ماينصدم يوم ظني
خايف يروح العمر وأكون خاسر
وإن طار طيري مايفيد التمني

خايف يجيني وقت أكسر خواطر
إن دارت الدنيا وزماني كسرني

ومدام هذي الدنيا صارت مظاهر
وكل من على كيفه وجوه يغني

صحيح مسلم لكن الهم كافر
كل مابغيت أضحك يهددني حزني

الضيف وافي الحزن حيل وافر
والجرح أكثر شي شفته يحبني

عايش وميت بين ماضي وحاضر
والصبر مفتاح الفرج ضاع مني .

[دان النوبة]

احساس عالى عالى عالى بجد تسلم ايديك
كلماتك خلتنى ابكى..........

[دان النوبة]

شكرا على القصيدة الجميلة...
احساسك عالى .... كلماتك جميلة
من كثر حلواتها خلتنى ابكى