احب الرامي
From: Abbas Trim <trim5491@yahoo.com>
To: "trim5491@yahoo.com" <trim5491@yahoo.com>
Sent: Monday, February 20, 2012 6:08 AM
Subject: احب الرامي صاحب HG
احب الرامي
_________
عباس طريم
احب الرامي اللي ايصيب ويطخ
واليذب الجعب , والجعب
ينجخ
_ _ _
واحب اليكعد ابوسط الدواوين
وابشعره الجميل الحلو
يشمخ
_ _ _
والراسه علم ما بين الرجال
اذا طخوا .. يظل مرفوع
ميطخ
_ _ _
احب اليبتسم وبظهره الثقال
واموت امن التلمسه , يصيح بك
اخ
_ _ _
احب اللي يقدم عمل وانكول
جميل .. واكره اللي دوم
ينفخ
_ _ _
سم ..ويرمي عالوادم تفاهات
لئيم .. وبالحقد والحسد
يطبخ
_ _ _
اذا قدمت شي رائع ومقبول
يكول : العمل ما منسوب
للاخ
_ _ _
يدور اعيوب كل شاعر اوموهوب
خبير.. او بالثرم يذبح
اويصلخ
_ _ _
فارغ بس يهذري اهناك وهنا
وعله اليتميز ابانتاجه
يشبخ
_ _ _
يظن عقله جبير وباقي العقول
اسطوله وفارغه , وبس عقله بي
مخ
_ _ _
ميعجبه العجب , ويصيد بالناس
ويوميه اعله واحد ناصب
الفخ
_ _ _
يطخ ا فلان ,ويشرح ابفلتان
ما يدري اليطخ الناس
ينطخ
_ _ _
واليوبخ الناس اهل المهارات
سهامه اترد على صدره
ويوبخ
_ _ _
ميدان الادب ميدان العقول
مو ميدان للتهديد
والطخ
_ _ _
الاديب الحر ..تحبه الناس ويكون
بسيط , ابقوة اعماله
يؤرخ
_ _ _
الاديب الناس التقيمه.. اذا جاد
جمهوره من الاعجاب
يصرخ
_ _ _
اعماله تغذي انواع العقول
كل وجبات بيهه, اتكول
مطبخ
_ _ _
الاديب اللي انذكره مثل الغيوم
تعصره من الجهات الاربعة
ايزخ
_ _ _
ومثل بير النفط مفتوح العيون
كل ساعة ودقيقة وثانية
ايضخ
_ _ _
يفيض انتاج للاجيال ويجود
والاجيال من هالجود
تنسخ
_ _ _
ويبقه المدعي الفاشل وابو السان
الينصحه يبتلي ويرجع
امفشخ
_ _ _
ما عنده جديد وفارغ الراس
وكوه ايريد عالناس
ايتكشخ
_ _ _
امصخم من وره وجدام , ابو السان
اليمد ايده ويحيه
ايتوسخ
رد مع اقتباس
