شوفوا من اشعاري

[شهوده]

اسكتهن ويبچن ..

والدموع الوان ..

عيوني وعالبواچي ..

مالهن ثاني ..

شلت بيدي الجمر ..

والحرگة احس بالروح ..

ولا گلت لشماته ..

الجمر چواني ..

اطحن قهر والهم ياكل ويه الروح ..

منشوفن ذكرياتك ..

فوگ حيطاني ..

عفتني ابليل وحدي ..

والطريق طويل ..

تيهتك ..

وجرحي اعليك دلاني ..!!

ماعوفك چذب ..

والگالك چذاب ..

ولا تگدر حبيبي بيوم ..

تنساني ..

من تضحك ..

تردك ضحكتك للشوگ ..

ومن تحزن ..

تشوف ابعينك احزاني ..

اسرارك ابگلبي ..

وما بحت فد يوم ..

ولا گدروا عليه ..

وباگوا لساني ..

ضميتك جرح ..

واتچه عالاحاه ..

وامكابر ضحكت ..

اگبال عدواني ..

من تيهت روحي ورادوا يدورون ..

اجو يمك ..

لأنك انت عنواني ..

فرغت سلتي ..

وماظل اليه متاع ..

ما حنيت .. وانته ابوسط بستاني ..

حاطتني السيوف .. ويمي صار الموت ..

وانت ابعيد گاعد ..

گلي شمتاني ؟؟

ارجوا ان لاتنسبي قصيده لكي هي بالاساس

للشاعر الملقب بشاعر الحب

محمد رحيمه الطائي

اسفه جدا ً هذه هي قوانين المنتدى

وياليت تقرأين قانون التحذير الذي وضع من قبل الاستاذ ماجد

[ارشيف الفرات]

مشكووووووووووووووووووووووره

كلام جميل جدا تسلمين شهوده

تقبلي مروري

[الورده الذهبيه]

تسلمين على الكلام الرائعه

تقبلي مروري

[العراقي الطيب]

كلك روعة اختى شهودة تقدمك مبدع استمرى الله يوفقك


حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟

[cyranoo]

كلام رائع جمل و لكن الشعر الشعبي لازم قبل الي يقراه لازم تكون عنده خلفية
على البيئة الي يتكلم عنها الشاعر و الدوافع التي جعلته ينظم شعرا فيها

تقبلي تحياتي
اخوك سيرانو