مو بس التكرهه ايجيب الالام
مرات التحبة يطلع الروح
ماهم من اعوفة والله موجود
يا حمل اليضل عالكاع مطروح
اتفقنة الحلقه هاي الكلب والعين
والحاضر عمر والغايب الروح
وماتعرف تحب حقك تجرب هواي
امبين من مشيتك بالعشك خبرة
ابرجلك من رحت تصنع بديل اتريد
تحب تجمع صور وادون الفكرة
جم نضره اعله ضهرك من رحت خليت
سرة وكفن ونضره ادفع ابنضره
يمك عين طاحت من نكت الثوب
بكبر غدرك كبرهه وغدرك اشكبره
ابغيمه اتاثرت ما الومك من اتروح
الهوه شورك بديه وممتثل الامره
البراسك قروا بيهم اذب الصوج
النهر لوما الحفر ما غير المجرة
جنت تصفن بغيري واني اصفن بيك
وصلت التريدة ووضحت الفكرة
جنت وياك شايل حركة الناعور
حس بالنهر ميت والهوه يفره
كلت وجهي الشمس ما دوريت افياي
عزت نفسي ترفض منة الشجره
ترس عيني الوفة الغيرك ولا صديت
خنتني بجسمك وما خنتك بنضره
ندمان بكثر ما كلت احبك موت
صح وجهك حلو بس عشرتك مرة
لجل زينة ومضاهر خربت وياي
على الفضة اركضت ما دورت شذرة
امكشر بالخذيته والله مو وياك
المسحا من اشكر جرح لو حفرة
يافشلت اعيوني الشافتك وياه
مثل اليم اخوته او واحد يسطرة
ما الوم الكلب كل لحظه احس انشوغ
حافر ذكرياتك ينشمر صدرة
اسمك ثكل اخذه الخاطر العباس
اشكلولك بلال واحمل الصخرة
اليحلم بالعشك كل فزه بيهه يشوف
بفراشه اشكثر بوسات مطشره
وحلم شط احلمت من غرك الصياد
تتراواله ضلت فالته بصدره
ملحت الوكت ما غزرت لايام
ولا وكفت بعينك خبزتي السمرة
حلاة الغزرت بالبلبل وما طار
ما عاف القفص جي كضته العشره
اداري بخاطرك فحطت خلكي وياك
اليضحكك عوفة كتلك هاي الف مرة
ما انصحك بعد جم دوب اعلم بيك
ترست اذنك تراجي وما خذت عبرة
بس حسره وحسافه ودمع والاهات
المشلول اشاخذ من لذة السفرة
عليمن ينحسد لو كطع لو معكود
يا خيط التهنه بصحبة الابرة
م ن ق
رد مع اقتباس
