حلم وردي

[أحمد الكعبي]

غريب آنه ودمـع عيـني
قصيده إلسانـها أخرس
نفع وياها مايـجدي
غريب بلا وطن لادار
لاخل لاأهل عندي
أشيل اهموم هجرانـي
وأكافح غربتـي الوحدي
غريب آنه وتنام الناس مرتاحه
وأنه الصفنات بيّا
تـجيب وتـودي
جسد وبلا جفن مهجور
لاميّت..ولاواعـي.
ولانه إموسّد إبلحدي
طريدة ثارفحطانه
ألوذ بشيمة جروحي
وتلوذ جروحي بسدّي
فريسة ليل سهله
ومن يـجوع الخوف
ياكل من لحم زندي
رضعت من الحزن والهم
تربّه أوياي
تورّثته من أبوي وأُمّـي وجدي
ياهوالشاف ضيمي ومن حمل دردي
غريب آنه عشت
والغربه ماترحم ونه ابنادم
شصيرن والوكت ضدي.
غريب وعمري بالغربه خلص
كل يوم أكَول اليوم
باجرمـحنتي إتعدّي
نفذ صبري وتعده
إعله الصبرحدي
أنـهجم بيتك يكَلبي شكثربيك جروح
من يتلاجمن جرح الغرب يدّي
إلك كل الجروح تـهون
بس جرح الغرب تيزاب
فوكَـ جروحك إيبدّي
شكبرصبرك
تشيل جروحك الوحدك
وتكابر غربتك
للزمن متحدي.
شتصبربعد شتكابر
وكتنه الراح مايرجع
تغرّب ودّك اوّدي
يذوّبني حنين البيك
كل ليل اليمر يـحدي
تبنـي إعله السراب آمال
وبـحب الـوطن
عايش حلم وردي
دفز من حلمك الجذاب
هاذه الحلم أسود
موحلم وردي

foraten.net/?foraten.net/?foraten.net/?foraten.net/? الكعبي.

[عقيل كريم الشويلي]

الأخ foraten.net/?foraten.net/?foraten.net/?foraten.net/? الكعبي
كلمات قمة الروعة
دمت بهذا الأبداع
دائماً تمتعنا بما هو جميل
تقبل مروري وخالص تحياتي

[كبريــاء رجـل]

اخويه العزيز foraten.net/?foraten.net/?foraten.net/?foraten.net/? الكعبي رائع رائع انت
قصيدة رائعه عاشت ايدك
لأبداعك الجميل ويسلم لنا هذا الابداع
تحياتي الكـ

[نقطة حبر]

* أبعد الله عنك أخي الكريم...كل الحزن والهم..

كلمات غاية بالروعة..وجميلة..هذا هو القلم المبدع..*

عااااااااااااااااشت الايادي عالمشاركة الرائعة
تقبل تحياتي لك يا مبدع

[أحمد الكعبي]

عقيل كريم الشويلي
تحيتي لك أخي الغالي
وشكراً لك

[أحمد الكعبي]

كبريــاء رجـل
أعزك الله أخي الغالي
لك كل الود.

[أحمد الكعبي]

نقطة حبر
شكراً لكِ أنرتي متصفحي بطلتك
لكِ كل الود