الخيانه العضمى

[سجاد الرحال]

تعبت عليــك حدماتعبـــــــت الــــــروح
وانته بكل صلافه تريــــــــد تنســــاني
ماغزرحناني وذاك خوفــــي عليـــــــك
ولاليلي السهرته وذبــــل جفانــــــــي
يل جنت اعتقدبمواصلـــــــك ارتــــــاح
اطلعت غلطان بيك اومشتبه انـــــــي
طلع حبك دغش بانيه عالأطمـــــــــاع
غشيم اوصدكَت بيك اشأجانـــــــــــي
طيبة كَلبي خلتني اطمئِن ليـــــــــــك
ولاجان اعله بالي بيوم تسلانـــــــــي
مالحضه جنت عن بالـــــي اتغيــــــــب
ولامل اوركد مــــــــن ذكــــرك اِلساني
طلكَت العمر ولهيـــــــت بس اويـــــاك
اوتاليهه اتركتني معاشـــــر احزانـــــي
لاضل حيل بيه ولاعيونـــي تشـــــــوف
واكابربالحيــــاة وصبــــــري ملانــــــــي
ياخاين ملحتــي وناكــــر المعـــــــــروف
تاليهه ابهجر اتـرد جــزه احسانــــــــي
ونه المابيه كَوه اتعثــر بممشــــــــــاي
اودربك غابه ضلمه وكتـــي ذبانــــــــي
ضنيت امنطيح اتردعليــه الصـــــــــــوت
اومن توصل منيتي تصيـــر دفانــــــــــي
اوتهيل اترابي بيدك والدمــــوع اتسيــل
ماحسبت يطلعلــك وجـــه ثانــــــــــــي
ماينطيني كَلبي الغيري ثمـــــرك صـــار
وآنه ابشوكَك ردت بس اطلق اعنانـــي
لكن في امآن الله يبــــــــن النـــــــــاس
مااطلب بعدمـــن عنـــــدك اتانـــــــــــي
منك ايست خـــل غيـــــري يسعَدبيـــك
ونه خليني ويه الصــــــــور واحزانـــــــي
مامنـــدوم انـــــه اولاهتملــــــــــــك روح
ولااطخ راس طبعي اشـــمابعــــد جاني
يل طبعك غدريكفي اللفانـــــــــي اوزود
تتندم علي بس ماتلكَــــــه عنوانــــــي



بقلمي المتواضع

[بهار]

كلام نابع من القلب فرغم العتاب و الحزن الذي تحمله الا انها في منتهى الجمال

تحياتي

[سجاد الرحال]

تحياتي لكِ اخت بهار وشكراًلمروركِ الذي اسعدني مع فائق تقديري

كلمات ر ائعه ومؤثره قي قمه الاحساس

[سجاد الرحال]

اخي العزيزعبوسي تحياتي الك وممنون منك لمرورك صفحتي المتواضعه مع فائق احترامي

[سجاد الرحال]

اختي الغاليه فاتن شكراًلكِ مروركِ اسعدني دمتِ بالف خير

[بلسم الروح]

ماذا اقول
ومالذي استطيع رده ليستحق ان يعبر عن مدى روعة
وجمال حرفك الذي سطرت
بحق والله قصيدة تستحق التقييم
احسنت
احسنت
احسنت
تمنياتي بالموفقية ياصاحب القلم الراقي