عودي

[محمد السليطي]

ركد ثوب العليه وهن عودي
ليالينا ويهنه ارجوج عودي
اريد اكعد ولوذ بكتر عودي
وخبره شصار بغيابه عليه

للشاعره ام محسن

[عادل المنصوري]

اون والثكله وني ماتونه
صحت برجاب اهلنه ماتونه
ياهادم اللذه ماتونه
جثير اعزاز راحوا بين اديه
في رثاء الوالده وخالي المرحوم ابو راهب

[asir]

لیالي الچنت ویه الاهل عودي
رحتي وذابل من الورد عودي
اطب البیت اگولن وین عودي؟
یجاوبني الصده تحت الووطیه

[محمد السليطي]

تشكر ام محسن الاخ اسير على رده
الجميل
وابن خالي عادل
تحياتي

[محسن المفرجي]

( هاذا لسان حال كل من فقد اباه)

كسر ضهري الدهر بفراك عودي
نحت وعليه ذبل ياناس عودي
ليالي الفرح ويه الاهل عودي

ورحمي بحال مدرج بالثنيه

[شاطئ السلام]

يخايب مثل مبجي عليك بجلاي
وصفنتي عليك صفنت ميت بجلاي
لون جرحين ثلث جروح بجلاي
طبت لاجن الف دولاب بيه
اخي محمد تقبل مروري