جاوبني

جاوبني تدري الوكت بوكاته غفلاوي
موش انته نبعة عشك بالحسن متغاوي
ليش المعاتب كلف والشوك سكتاوي
جاوين اودي الحجي وتعاتب ويامن
.........................
مرن فخاتي العشك نشدني وين اهواي
سمعني جلمة فرح وبمشيتك بهداي
ذبلان كلبي اشكثر ونته العطش والماي
جاوين اودي الحجي وتعاتب ويامن
..............................
مامش بعد كل رجه والدنيه حزنانه
والهجر جودر غفل والروح ذبلانه
رديت مامش وفه والشفه خجلانه
جاوين اودي الحجي وتعاتب ويامن


مما راق لي

مع تحياتي

[سامي المشكور]

كلمات رائعه
غناها حسين نعمه
شكرا لك

[عقيل كريم الشويلي]

الرائعة فاتن وهيب
انتقاء اكثر من مميز
دمتي بهذا التألق
خالص تحياتي
تقبلي مروري

[سلام الدراجي]

تسلمين فاتن انتقاء رائع ذكرتينه بايام زمان
واغاني السبعينات
دمتي تألقا بارك الله بك
سلام الدراجي

تحياتي القلبية لكم وشكرا لكلماتكم العذبة