لاتزعل

[أحمد الكعبي]

أنته من تزعل يزاعلني الحنان
وتدري بيه أشلون ما طخ راسي
أنته شهگت روحي معناهه ممات
ومن تردلي ترد بيه أنفاسي
أثمل بحسنك الى حد النخاع
وأرد أكاسر شفتك وي كاسي,
آنه لجروحي فلا يرهم طبيب
بس رهمت أشلون وي جروحي
جرح بيه تعلعل وأدمن عليك
وروحي طلعت ياهو اليرد روحي
واليشوف أجروحي يسألني أنته زين
گلي زين المنه طلعت روحه
وزين گلي الدافن بگلبه حبيب
ودمعه صار من الزغر مرجوحه,
كوم دليني أعله درب العاشگين
أحساسي كاسرته ويّ صحت كاسك
وكاسرتله الگعده بدموع وعتاب
وخلگي فرغته وشرد وهواسك
تدري هاويك بحناني وعانديت
ومايفيد وياي كل أعنادك
أنته صياد العواطف والحنان
وبشبچتك ما أطيح أصطادك
أنته مهره امسرّجه وبيدي العنان
وآنه بجفوفي صرت مطرادك
وأنته لجروحي صرت وحدك طبيب
هيج أهيسك گلي شنهي أحساسك,

[الشيخ ابوحيدر]

جميل ورائع اخي ابو شهاب
قلم مميز ورائع واعطيت لكل
كلمه حقها وصورتها الرائعه
تحياتي

[أحمد الكعبي]

أهلاً أبو حيدر
سلمت بمرورك الرائع
لكَ وافر ودي

[ام فيصل]

وأنته لجروحي صرت وحدك طبيب
هيج أهيسك گلي شنهي أحساسك


ايها النبع الذي لايجف
قرأت بين الحروف
حب , وعذاب , وشوق تعددت الوانه
مبدع في مجاراتك
تغنيت بابداع كان ولايزال ميزتك

تحية لك من القلب ياforaten.net/?foraten.net/?foraten.net/?foraten.net/?
على جميل هذا الاسترسال

[أحمد الكعبي]

أم فيصل
حياكِ الله
لبوح ما تجيدين بنثره
دمتِ لهذا المرور الكريم
لكَ وافر ودي ومودتي

[ناصر اسماعيل الموزاني]

قصيده جميله شكرا لذوقك الرفيع
الشاعر ناصر الموزاني

[أحمد الكعبي]

ناصر اسماعيل الموزاني
شكراً لمرورك اخي العزيز

[يحيى الحميداوي]

روعة على روعة
أحساس شاهق وكلمات منسوجه بجمال
كن متألقا ورقيق أيها الرائع
لنستمع لشعرك العذب
تحياتي