ها يعكـــــــــال

السلام عليكم هذه اولى مشاركاتي بهذا المنتدى الجميل

نعزي اهالي شهداء التفجير الجبان الذي طال المتطوعين في مدينه تكريت العزيزه
عندما رايت الخبر على شاشات التلفاز هزني موقف كان فيه العقال مرمي على الارض
القصيده على لسان ابن احد الشهداء الذي ذهب والده ليتطوع فلم يعد فذهب الى مكان الانفجار فوجد عقال والده
فقال له
ها يعكال
وينه الراس ذاك الشالك من سنين
خلاك انته حاجب هوه صار العين
ما تعله اعله نجمه شما علت الجبال
ها يعكال
امس من ضعت منه ومستحيل تضيع
لئن شده رسن من شدت اعله الخيل
شدك فوك راسه وصار الك خيال
ها يعكال
كتاب الشرف من جان ابويه يكول
وبكلمه شرف حطك عناوينه
من طاح بوكعته اتوسد اعله الكاع
ما شفت طلعت منك كلت وينه
ها يعكال
المثله بشرف ينشال
بس حقك اعذرك انته اي معذور
ما تكدر تشيله انته
لئن راسه انترس غيره
وشرف واقوال وافعال
وهذن ثكال
مثل غيره صكر عنده
لو حيه اتدنه اطفال
ها يعكال
دين تطلبه ارضه
وراح يوفي الدين
نص الدين امس وفاه باخوه المات
وراح اليوم حته يوفي دينه
ووفه الدين
دورنه اعله جسمه وكلشي ملكينه
بس شفنه العلم متعليه ساريته
حيرنه الامر وركضنه حته نشوف
ولكينه العلم جفوف شايلته
تمعنه بنضر ثاريها جفينه
ولمينه الجثث بس ماكو جثه هناه
وبروحه ويرده هواي لمينه
شفنه اعله الارض مرايه تسطع نور
تقربنا عليها وثاري عينه
حيرنه الجره خلانه نصفن بي
يعكال اتوقع احنه شلكينا
لكينه
حمد
حسين
انمار
قيصر
علي
foraten.net/?foraten.net/?foraten.net/?foraten.net/?
عمر
سجاد
مشتاق
تحيرنه بصراحه وكلنه ذوله منين
وجاوبنه
ودمعته تعادل النيل
ذني اسماء اخوتي الطاحوا وياي
شال اجسام اخوته وحطهن بعينه

عمر العزاوي
19\1\2011

لا حوله ولا قوه الا بالله العلي العضيم

بصراحه احزنتني كلماتك كثيرا

تحياتي لك وخالص تقديري

لا حوله ولا قوه الا بالله العلي العضيم

بصراحه احزنتني كلماتك كثيرا

تحياتي لك وخالص تقديري

-------------------------------------------

نور الهدى شكرا للمرور الذي اعطى الصفحه بريقا ولمعانا تحياتي

[توم الحزين]

شال اجسام اخوته وحطهن بعينه

لاحول ولاقوة الا بالله العلي العظيم

رحم الله شهداء العراق الذين طالتهم ايادي الارهاب النجسه

الف شكر وتقدير لك اخي عمر ولما جادت به قريحتك

وإنا لله وإنا إليه راجعون

[طيبة النجف]

اللهم ارحم شهداء العراق
يااخي الغالي عمر
يارب نخلص من التفجيرات والارهابين والقاعدة واعوان كل مجرم
قصيدة اثرت بي كثيرا
بارك الله فيك وحللت اهلا ونزلت سهلا هنا بين اركان منتدانا الغالي
ويارب ما ننحرم من ابداعك وقصائدك الاجمل
تقبل مروري
طيووووووبة

[ام فيصل]

وجاوبنه
ودمعته تعادل النيل
ذني اسماء اخوتي الطاحوا وياي
شال اجسام اخوته وحطهن بعينه


وهذا هو العراقي
وهذه هي الغيرة العراقية حتى في وقت الشدائد
قصيدة رغم بساطة مفرداتها
لكنها كانت معانيها سعيرا يلهب وجداننا
نسال الله الرحمة لكل من سقط شهيدا على ارض هذا الوطن المعطاء
واللعنة على اعداءه الى يوم الدين

شكرا لك ولنبضك الحي عزيزي
مع تحياتي

توم الحزين شكرا لمرورك اخي الكريم تحياتي لك