مما جال بخاطري

كلشي تريد من كلبي اكت لك
شنهو العندي الك يرخص اكت لك
اذا تزعل وتهجرني اكتلـــــــــــك
واكل للناس خلي وغدر بيه




ابوك المارحم حبنه ولك باع
ابوي ذراع اله بكلبي ولك باع
اذا كتلي الكلب ملكك ولك باع
اشتري بعيوني واطيهن هديه



خذن كلشي النوايب مانسني
احرمني من الطبخته مانسه الني
الشامت هذا عيده مانسه اني
العمر شوفة حبيبي اترده اليه



بلاني الله وسكنت بارض حله
اسمك لغز لجلي ارجوك حله
اذا مشدود حبل الوصل حله
لو حليته اخذ روحي هديه



البخت لو تخدمه يعزك واخ الك
اخوك يصير ابن عمك وخالك
الجمال بطيبة المعشر وخالك
مايسوه اذا ماكو حميه

مما جال بخاطري

هديه لمن احب

كلشي تريد من كلبي اكت لك
شنهو العندي الك يرخص اكت لك
اذا تزعل وتهجرني اكتلـــــــــــك
واكل للناس خلي وغدر بيه

تستاهل بوسة على الابوذيات الرائعة شكرا

كلشي تريد من كلبي اكت لك
شنهو العندي الك يرخص اكت لك
اذا تزعل وتهجرني اكتلـــــــــــك
واكل للناس خلي وغدر بيه

تستاهل بوسة على الابوذيات الرائعة شكرا

وانته تستاهل مني ثلاث بوسات
الاولى 00لانك شرفت متصفحي
الثانيه00لانك الامير
والثالثه 00لانك صديقي

[عادل المنصوري]

بلاني الله وسكنت بارض حله
اسمك لغز لجلي ارجوك حله
اذا مشدود حبل الوصل حله
لو حليته اخذ روحي هديه

يقول المثل الشعبي
اخذ من الملاح ما لاح

صبي عيني بكثر مانحت مالاح
شممد حبل الوصل وياك مالاح
من الملاح كَالوا اخذ مالاح
وانه الغركَت ملاليحي من اديه

لخالي المرحوم سامي شياع المنصوري

[ام فيصل]

رائع يبو الليث
سلم لنا هذا المداد النابض عذوبة
وسلم لنا مايجول بخاطرك من احاسيس جميلة

ودام لنا هذا الفيض والنبض الراقي

تحياتي لك عزيزي

الاخت العزيزه ام فيصل
الاخ العزيز عادل
انتم مدادي وانتم كلمات وانتم اخوتي واهلي
كيف لايستلهم خاطره من له مثلكم اخوه واصدقاء
سلمتم تحياتي لكم