لا اتانـــــــــــــــــــــــــــــــــــــي
لا اتاني انه مو كتلك بعد ما بيه اتاني
وكت المتاناة وله
وما ترد بجدامهه اميال الثواني
لا تبيع ايام عمرك ساعه ساعه
حتى لا بآخر زمانك تصحى تلكه
دموع شمعك ترست خدود الصواني
لا اتاني
والشمس حفرت كبرهه بديره ظلمه
وعمر اليناطر يظل سالوفة ارعن
باهته وكلش طويله بلا معاني
لا اتدور عن امس بأوراق باجر
ما يصير الماضي حاضر
ولا يبيعك كل امل سوك الاماني
لا اتاني
يالزمانك برعم بوكت الربيع
بشاطي دجله
وانه بجويريد وركه وصوفرت
أي صوفرت
باجر ويفرغ مكاني
يالزمانك جمبده باول وكتهه
بيهه ريحةباجر الماظنتي أشوفه
وانه ريحة موت وينازع زماني
لا اتاني
لا اتاني الما اله اباجر محطه
عمرك يسافر غفل
من غير جنطه
وتبقى حفنة ذكريات
تعفرت بغبار ماضي
بيهه انت وبيهه اني
وبيهه طير احلام هاجر
سافر بسرب اليروح بلايا رجعه
وزارع عيون اعلى دربه
اتاني وتنوح وتعاني
لا تحط روحك ابد ترجيه بأذني
كل حلاة البالذهب
بس للذهب
مولليلبسه
ما تغير روعتي من تمس اذاني
بقلمي
محمد عبود العبودي
رد مع اقتباس
رد: لا اتانـــــــــــــــــــــــــــــــــــــي
رد: لا اتانـــــــــــــــــــــــــــــــــــــي
المشاركة الأصلية كتبت بواسطة ام فيصل
