احبك والعشك ممنوع.... اهدااااء

[ام علاوي]

لو احجي يكظني العيب
ولو اسكت جرح كلبي ابد ميطيب

وحرت بين الجرح والعيب
وحرت خافن اظل ساكت وراسي يشيب

وعفت المستحى بصفحه
وكلت احجي وصيرن ذيب

كلي احجي شريد احجي
صار الحجي بعيني دموع

كتله الكلب من شافك ولك مشلوع
احبك واليصير يصير
والتحجيه الك مرجوع

احبك واليحب مو عيب
وعند الله العشك مشروع

صفن وتمعن بوجهي
وكال حبك انت من يانوع؟؟

من نوع الجواه الضيم ؟؟
اكل لحمه ولواه وعافه بس اضلوع؟؟

احبك مثل حب الكاع لمن تحظن المزروع
احبك مثل حب الريم تتوازه ويه حد الموت لو شافت ابنها يجوع

احبك وانه ظلمة ليل
وانت اللي تنورني وتصير شموع

احبك ماكدرت انساك
رسمك بالجفن مطبوع

صفن وتمعن بوجهي
وكال انطيني مهله اسبوع

واني سبع قرون صابر
حتى الماي صار بحلكي مر مجروع

ابقى اتصارع وي الضيم
ادكن بيه وارد مصروع

ولمن خلصت المده
اجتني ورقه مكتوب على طارفها

احبك والعشك ممنوع

مما راقني كثيرا

[الكناري يونس الجبوري]

الله على روعة الكلمات عاشت الانامل

[الشيخ ابوحيدر]

لك ولجميل ابداعك جبال الحب والورد

انثرها هنافي هذه الصفحه لاعبر لك عن

مدى اعجابي بمانثرته من الحروف

والمعاني دام قلمك المميز وكل عام

وانت بالف خير ومن ابداع الى ابداع

تحياتي وكل امنياتي

[سهام الهلالي]

قصيده وقصه رائعه جدا جدا

احسنتي الاختيار بجميل احساسك العذب

مشكوره ام علاوي الورده

[ام علاوي]

الكناري شكرا للمرور اللطيف
والتهنئه العذبه
لكني وددت لو كان الرد ببيت من الشعر لاستمتع بفيضك اخي الطيب
تحياتي لك واصدق دعائي
وكل عام وانت بخير

[ام علاوي]

المتهم .. الاروع هو حضورك اخي
اهلا وسهلا بك بيننا
اتمنى لك طيب الاقامه
والافاده والاستفاده
لروحك عطر النرحس

[ام علاوي]

شيخنا الغالي .. لاتعلم مدى سعادتي حين اراك قد تركت بصمتك لتنير متصفحي البسيط
شكرا لك من القلب اخي
لاعدمت تواصلك الرائع
وكذلك وددت لو تركت لي بعضا من ابداعاتك
لكن يله خيرها بغيرها
يسلملي هالحضور الراقي
لحضورك باقات الفل