يا زمان الراح
( يا زمان الراح )
يازمان الفات هيهات الرجوع.....
ويا سلام الله اعله ذيج اسنينيي
لوترَجع الراح وتجيبك دموع.....
صَّدق ابجيلك نواظر عيني
واشعل اللقياك كل عمري شموع....
واغفه ساعة بحضنك ادّفيني
ساعة وحدة اشكيلك شمَّر من خضوع....
وكم جرح ينزف دم وياذيني
وشوف ظهري وشوف كسرات الضلوع....
وشوف من ( دولابهم ) يطويني
بسوط جلاد االسجن جسسمي يلوع....
وكان بس حبك مصد يحميني
واحس كلماتك الي مثل الدروع......
تقول اكعد يا بطل حاكيني
ضحكتك والموعد النه بكل سبوع....
(لجبري وشميساني ) توديني
يلّلي بحضانك ثلج عمري يموع
واشتعل نار وترد تطفيني
استحلفك بالله لا ترضه الركوع
وضايعة من دونك اتخليني
<<<<<<<<< << <<
ابو يقين
رد مع اقتباس
المشاركة الأصلية كتبت بواسطة الكناري يونس الجبوري
