قصيدة وومضة ((رائعه جداا))
0000000000000
لاترجة السراب بيوم يصبح ماي
لان من كد عطشهه الكاع باينتة
ولاتعتقد دوم تقاوم الرجلين
لان عظمك ثكيل وهية شايلتة
ياحافي البخت تكضي العمر جم دوب
مثل انزيز ماي الكاع زايعتة
مو وياك جنت الشتلة وي سباح
عجيبة وجذر شوكك بيدك انتلتة
لحدمن ياوكت مفرد تعيش اسنين
تره المفرد تشوف الناس هاملتة
ربك للبشر لمن خلق رجلين
من تتعب يسرتة تشيلهه ايمنتة
ودليل الفكد وحدة اتمايل ابممشاه
وابد لاتظن يوم ايكمل لسجتة
لا تحمل حقد وتباعد الصحبان
ترة اليحمل حقد يتعب كبل وكتة
الغيم بعبة ماي شكثر شايل دوم
تجي الساعة البيهه يهطل امطرتة
للي ايصاحب كلب ينراد كون اجبير
واذا راد التجافي ايجافي بالسكتة
مو سجين عدك تتطعن انته اجفاي
مو سجينك اني المشتغل يدتة
مو سجينك اني المشتغل يدتة
0000000000000
الومضة
0000
ردت حل لروحي بيه انسه هواك
كلت احسن شي لشخصك اهجرة
تالي من رديت شفتك بالمطار
ركض كلبي وياك يحجز تذكرة
00000000000000000
للشاعر ابو رقية البصري
رد مع اقتباس
