***( < يا قلب لاتشتكي > ) ***
ياقلب لاتشكي من طعون الايام
دام الخناجر تشتكي من يدينه
خله يكمل رحلته وسط الاوهام
يطرد سراب وترقب الهم عينه
يمشي دروب الغدر ويحط الالغام
ويحسب ضحايا الحب بأول سنينه
ماجيت مسترجي بك العشق بـ هيام
ياقلب خاين مابكـيتك حزينــه
لو جيت متوسل ولو رحت منضام
ياعبرتي ارجوك لاتمنعيـنه
مسكين ياباني من الزيف الاحلام
زيف المشاعر في حياته تدينه
لو هو يشيدها على مر الاعوام
تبقى تحـت غدر الضمـاير رهيـنه
تمطر سحـايبها على حزن الانغـام
ويبكي لها قلـبٍ مفارق ضنينه
ماهو نـدم جفنٍ شكى السهد مـانام
ولاهو عتـاب احباب يالايمينــه
هذي حقيقه عشق محكوم باعدام
ياحـاضرين الحكـم يامنصفيـنه
معكم امانـه من قرى خط الاقلام
يحكم بعقــله يالعقــول الرزينــه
مال القلـوب الي هـوت بأول العام
حكمٍ مقـدر كلنا طايعيــنه
تعذري يادمعـةٍ جـالها وســام
تبقـين فوق الخـد دايــم ثميــنه
اللي يهيـم القلب منـه الهوى شام
لك كبريـاءٍ مايبيــن حنيــنه
مادام صافي الدمـع لك عشـق مادام
حـرام دمعك لجـلهم تنثــرينــه
مما راق لي
رد مع اقتباس