نسيانك صعب//نص غنائي....مع تحياتي
حِسَن نية وعذب...تايه مع التفكير
حلو بمعنى الحلاوة
ترف تنبض طراوة
تغني بوجنتك كل العصافير
نسيانك صعب والأصعب التغيير
*****
ما تعرف كذب وعيونك أتفضحك
ويبين عليك الخجل من تضحك
بديت افهم كلامك
وأعرفك من سلامك
لتفكر حبيبي وابد لتحير
نسيانك صعب والأصعب التغيير
*****
لتصدك نسيتك يا اعز الناس
ولا الغربة حبيبي أتغير الإحساس
بعدني بكل وفائي
وسبب حبك بقائي
عايش غربتي بس عالتصاوير
نسيانك صعب والأصعب التغيير
*****
تحملت الغرب لجلك ينور العين
لوما صورتك جا كَلبي صار اثنين
غربة وسهر وأحزان
ما مرت على إنسان
كل يوم بسنة نكَضي المشاوير
نسيانك صعب والأصعب التغيير
*****
تعبني السفر كَلي شوكت ارتاح؟
أريد اغفة أعلة صدرك وآنسة كل الراح
يابيت المواويل
بعد ماعندي ظل حيل
فراني الوكت فرت النواعير
نسيانك صعب والأصعب التغيير
حِسَن نية وعذب...تايه مع التفكير
*****
مع تحياتي
الشاعر جلال البطاط
جميع الحقوق محفوظة للشاعر
غير مبروء الذمة من يقوم بالنقل دون ذكر الاسم
رد مع اقتباس
رد: نسيانك صعب//نص غنائي....مع تحياتي
المشاركة الأصلية كتبت بواسطة طالب الناصري
