ياعراق

[السومري71]

يريدونك تضيع وانتة نور بليل *** وتموت من العطش يالماي يردونك

ويضيعونك عجيب وانتة مثل الريح *** وين بيا مكان اتضيع يلكونك

مشوك بدرب ما مات جدمك بيه *** وحتى اتضيع كلش شدو اعيونك

وغشو عينك وايدك مزنجلة ومجتوف *** تهد هدة اسد لو ناس ينخونك

يل المغفي الجمر منقلة وبيك اتنام *** وهمة رماد موكة ما يجوونك

اذا ظaك طلعته وظل وراك ايحوم *** ابد لتخاف منهم ما يظلمونك

عاشرنة التعب والاه والحرمان *** كلها لخاطرك ولخاطر اعيونك

صرنالك جسر للنجم عبرناك *** وصغنة من الحزن ضحكات لعيونك

تعلكنة قطع سودة وعليها ارواح *** ما جنة قطع لا كحله لعيونك

يردونك صبخ والملح ياكل بيك *** ويردونك تبور وما يزرعونك

ويردونك تجف والماي يطلب ماي *** ويردونك تنام وما يندهونك

ما يدرون عركك بالارض ميموت *** ترد تحيه وتعيش شما يكطعونك

ذاك حسين حي وصير انتة مثل حسين *** بالشدة الخريطة اتصير ميمونك

يااااا مدري شوصفك شرد اكولن بيك *** عراق والعمر ما يسوة من دونك

ليلى انتة صرت والمثل ما ينقاس *** وشعبك من محبتك صار مجنونك

مما راق لي

[رتاج]

الله يفرج عنكم يا اخواننا وينصركم على الظلام
تحياتي الك اخي العزيز والقصيده كلش رائعه وتسلم

[طالب الناصري]

دوريتك بالسمه وانته يمي بالاض

انشرح صدري والله بهذا العرض

حبيتك بلا مصلحه وبلا غرض

يلشوفتك هي الدوه للمرض

حبيبي السومري تقبل ارتجالي
المتواضع ... تحياتي

[السومري71]

اختي العزيزه رتاج
شكرا لمرورك الكريم
وشكرا لدعائك الذي عطر متصفحي
تحياتي

[السومري71]

وانا كم سرني مرورك يا ابن ذي قار الأصيل
شكرا لما امتعتنا به من كلمات ارتجاليه جميله
لك مني كل الود

[الشيخ ابوحيدر]

الف شكرالاخ السومري كفيتني
عناء البحث لاني كنت ابحث عنها
فلك ولذوقك الف تحيه حب
تقبل مروري يالغالي

[ابو سجاد الركابي]

انهض ياوطن شلهن جروح البيك
وتوجه اعل صبرك واعبر المحنه
صح انته طحت بس من طحت يعراق
كوم اوياك حيدر يا وطن صحنه
----------------------------------------
ما راق لك الا الجميل
سلمت يداك الاصيل
تحياتي اليك

[السومري71]

انهض ياوطن شلهن جروح البيك
وتوجه اعل صبرك واعبر المحنه
صح انته طحت بس من طحت يعراق
كوم اوياك حيدر يا وطن صحنه
----------------------------------------
ما راق لك الا الجميل
سلمت يداك الاصيل
تحياتي اليك

شكرا لك اخي ابو سجاد
مرور جميل اسعد القلب
تحياتي لك ايها الغالي