لماذا يفضلن البنات الزوج طويل القامه

[عامر الكربلائي]

السلام عليكم ورحمة الله وبركاته

ما اعرف ليش البنات تفضل الزواج من شاب يكون طويل القامه علما
انه قصير القامه وكما ذكرت دراسه المانيه في معهد اشفاختن قالت
هاي الدراسه انه قصير القامه لا يستطيع ان ينوش الحاجه التي هي
فوق الكنتور ابو ستة ابواب

واضافه الدراسه الالمانيه انه الكنتور ابو ستة ابواب يكون نفس الكنتور مال
ام فاظل الي كان شرطها على خطيبها امحيسن الجلب انه جهازها يكون بيه
كنتور ستة ابواب لها فقط باب اتحط بيها ملابسها فقط وباب تخلي
بيه هدومها الصيفيه وباب تحط بيه هدومها الشتويه وباب تحط بيه قنادرها
وباب الخامس تفوت بيه
وتفقل الباب عليها من تخلص تطلع والباب السادس ماله داعي هيج مجرد
علمود الكشخه

المهم على البنيه لا تبني احلامها الزوجيه على شكليات بزوجها طويل او عريض
رشيق وغيرها لازم تركز على الاخلاق والطباع يعني شنو الفايده هو طويل القامه
وما يخمس وما ينطي للسيد الخمس جا السيد منين ينطي للفقراء زنود الست والشكولاته
والبنبوني منين خو مايبوك

والاهم من ذلك شنو الفايده وهو طويل القامه ومثل مايكول المثل الطول طول النخله
والعقل عقل
الصخله القنوعه الي ماتاكل حشيش هواي

فلا تعتمدين على الشكليات في القرار في اختيار شريك مال حياتك اي نصفك
الاخر الي راح تعيشون سويه سنوات الضياع العفو سنوات طويله
لا تهتمين للشكل اهتمي للمضمون

مع تحيات اخوكم طويل القامه

عامر

والله موضوع.... لابد انك قصير القامة يا اخ عامر لذلك اخترته....
مثل ميكولون الطول هيبة والقصر خيبة
بس عموما البنت تختار الرجل الطويل علمود لاتنحرم من لبس الكعب العالي اي خو مو عروس ولابسه شحاطة تكرف التربان وراها

حقيقة اخي البنت تختار الرجل طويل القامة للجمال لم يكن سوى ذلك
تقبل مروري مع خالص تمنياتي

[عامر الكربلائي]

شمدريج اني قصير هههههههههههههه لا عيني اني ابو طول الحلو هههههههههههههه

ضحكتيني يلغاليه بس ليش ما تختار الجوهر احسن من الطويل والقصير الاخلاق قبل كلشي

مو لو مومو

تحياتي الك يااجمل مهاجره

بصراحه اخى الفاضل عامر البنت تفضل ان يكون الزوج اطول منها

يعنى بيكون افضل ان الزوج يكون اطول من الزوجه

ولكن اولا واخيرا الاخلاق والقيم والدين قبل كل شيئ

والاصابع ليست متشابه اخى عامر

فجميع البنات لايكون خكمها واحد ولا اختيارها مشابه

لكل فتاه مواصفات معينه لفتى احلامها

اخى عامر شكرا لجمال اختيارك

تقبل خالص تحياتى

[عامر الكربلائي]

اكيد اختي نور الاخلاق ااهم شي تسلمين يلغاليه

على المداخله الرائعه بروعتك حضورك المميز

تحياتي الك

[بنت البحرين]

السلام عليكم

تختار البنت الرجل الطويل لأنه يشعرها بحمايتها وتشعر بأنوثتها أكثر كما الرجل يفضل المرأه الأقصر منه ودمت بود

شكرا لك اخي عامر على الموضوع المميز
ويكولون عدنا بالعامية هم شفتوا قزم صار فارس احلام

بس تبقى قناعة البنت ربما هي تكون معجبة بهذا الشخص القصير
وربما يكون هذا الشخص القصير اخلاقة عالية وهذه من اهم الصفات

لذالك يااخي الاخلاق والاصل فوق كل شئ


تحياتي الك

[العنـــود]

والاهم من ذلك شنو الفايده وهو طويل القامه ومثل مايكول المثل الطول طول النخله والعقل عقل الصخله

هههههههههه والله مت ضحك على هذه العبارة
بعدين أنت ليش تدافع عن قصيري القامة بهذا الشكل
وإلاّ تسوّي دعاية لقصيري القامة ؟
بصراحه كما للمرأة مقاييس للجمال , فللرجل ِ أيضا
وإلاّ بس أنتم تتشرطون إلاّ مقاييس جماليه
شوف طويل القامة هيبة للرجل وتعتبر من مميزات الرجل
الوسيم
ربما تشعر وأنا أقول ربما بالأمان ويشعرها بأنوثتها أكثر
حيث إن المرأة عندما تمشي مع رجل أقصر منها
كلاهما يشعر بالحرج أتوقع ذلك
فمثل مايقولون : الطول عز
شكرا لهذا الموضوع الشيق
لكن نسيت أقول هو الحب فقط من يتناسى تلك العيوب
ويراها جميلة إن لم تكن بعين المحب ميزة

شكرا لك بحجم السماء

العنود