دارميات للعراق الجريح
للوطن نفدي الروح كلحنه صحنه
بلوحده والآراء يلتم جرحنه
جرح الوطن يلتام واثبتلك بهاي
من نطرد المدسوس والماوفه وياي
جرح الوطن يلتام وتطيب الآلآم
من نوكف احنه وياه ونشد الحزام
من كل كتر مجروح اصبح وطنه
واجب علينه انكوم ونضمده كلنه
الوطن مو مجروح احنه الجرحناه
حين الوكع هدام يا وسفه بكناه
لا ما تطيب اكلوب نفس القوانه
امريكا واسرائيل تفتر ورانه
جرح الكلب ميطيب وما يشفه ويصير
الا الوطن تحميه عين النواطير
جرح الوطن يلتام بس تحت شرطين
سنه ويه شيعه نصير وكلنه ويه الحسين
اكتب جوابي اعليك معروفه الاسباب
لو صرنه متحدين جرح الوطن طاب
جرح الوطن ميطيب وكاعنه للغير
بس الوطن يرتاح لو صار التحرير
للامانة(منقول)
رد مع اقتباس
