اخوتي..ليش

يبيعون الاخوه بحفنة فلوس
يبيع احزام ظهره بربع دينار
جا وينه الاخو لبساعة الضيج
يشد ظهره على بطنه وياكل حجار
تغير ياوكت واظهر مخافيك
اخوي البلضلع صايرلي منشار
من قابيل مد ليله وزحفلي
وجاب غراب يدفني مشه وطار
تغدروني ولاجن انه اخوكم
سنون التضحك وما جنه شي صار
انا الخايف اذا تنمد علي ايد
مكسورالظهر والباقي طشار
بسك ياوكت صارت حزن ليش
ينباع الاخو وبأرخص اسعار
انه العافوه هله وتعنه للموت
يدري بلازرع شيجيب الاثمار
ونه الكمطوه حزن وتوسد الغيم
ظنه الخير ينزل ببخل امطار
ونه عكس الحسين الي جرالي
عدوي الي رحم والاخو غدار
ونه جيش الاخوه الحارباني
ومعسكر للكفر صارلي انصار
هدوا كل رحم مابيها الكلوب
او حتى الطفل وجو هلي بنار
ياضلعي ..اخوي
ياضلعي اخوي كلي شبيك
شني ذنب الجنيته وهيجي الصار
ارحموني بعد مابيه كل حيل
وراضي بكل حكم وبسخف الاقدار
اذا تردون عمري حاضر انطيه
رافع رايتي وبلايه اعذار
خادمكم اصيرن اصغر القوم
وظن هيجي المثل علخوه لصغار
بس يبقى سؤال ابالي يحفر
اذا انه فكر الفقر مو عار
ولوني..
اخوتي من عكب عينج ولوني
وتغير شكلي يا يمه ولوني
قسو مرحمو عبراتي ولوني
ييمه اخلافج اندارو عليه
بقلمي زهير العقابي

[الامير العراقي]

صح السانك اخوي الطيب
عاشت الايادي المبدعه في اختيار الكلمات الجميله
ربي يحفظك ويخليك
تحياتي الك

[ام فيصل]

ونه عكس الحسين الي جرالي
عدوي الي رحم والاخو غدار
ونه جيش الاخوه الحارباني
ومعسكر للكفر صارلي انصار

تشبيه رائع وحوار موجع
ايها المبدع دوما

موالك حزن والكلمة موجوعه
وكل حرف الكتبته يحجي موسوعه
اخوك المايشيلك عوف موضوعه
صدّك ماتنفعك إيد مكطوعه

تقبل كلماتي المتواضعة امام سمو احساسك
دمت بخير ودام لنا حرفك يالعقابي
مع تحياتي

[أنثى شرقية]

مبدع دوما وقلمك متميز منذ الطلة الاولى بين ربوع الفرات
شاعرنا المبدع عطر الله انفساسك لجميل هذه القصيدة الرائعه
كن دوما بخير لنكون
ونحن متابعون لك دوما
تحياتي

مبدع دوما وقلمك متميز منذ الطلة الاولى بين ربوع الفرات

شاعرنا المبدع عطر الله انفساسك لجميل هذه القصيدة الرائعه
كن دوما بخير لنكون
ونحن متابعون لك دوما

تحياتي

عيون المهى
انت مؤسسه للحب والاحترام والتفاني
وانني لاحسد الحروف التي تنساب بين اناملك
كانسياب خرزة الكهرب
في ايدي الطاهرين
احترامي الكبير والدائم لك
اشكر مرورك
دعائي لك بالتوفيق
كوني دائما هنا
ليشفى بك المنا
تمنياتي لك بالخير والسلامه

الامير العراقي
انت امير باخلاقك
اشكرك واشكر مرورك
دعائي لك بالتوفيق
تمنياتي لك بالخير والسلامه

الاخت الغاليه
ام فيصل
مرورك شرف لي
ووسام يتزين به صدري

موالك حزن والكلمة موجوعه
وكل حرف الكتبته يحجي موسوعه
اخوك المايشيلك عوف موضوعه
صدّك ماتنفعك إيد مكطوعه

كلام جميل ورائع
لك يا ام فيصل
العراقييات (يلولن للطفل ويسمعنه نعواي على لمة الخوان)
خسران اليهد من غير خوان
وجبح طير اليطير بغير جنحان
دعائي لك بالتوفيق
تمنياتي لك بالخير والسلامه

السلام عليكم
زهير العقابي
قلمك ينزف جرحا
وكلماتك تفوح من رائحة التعب
انا لا املك سوى ان اقول لك
انت رائع في كل شيء حتى في تحمل معاناتك
اتمنى ان يمن الله عليك بكل الخير
لك كل الحب والاحترام
اخوك ابو علي