قصيدة ((يمر الليل بيه ويكعدالليل))
واصبله استكانه ويشرب الجـــــــــــــــاي
ويكلي اصويحبك ماسولف اوياك
وكله صويحبي ماقصـــــــــــــــــــر اوياي
يصير اكبال عيني ويترس العين
واصير اكبال عينه وجني ماجــــــــــــــاي
عمر وانه وصفنتي نسولف اوياه
مثل ماعالجروف يسولف المــــــــــــــــاي
اكله بهاي اضمك عن حسد هاي
يكلي بهاي اردك من تجــــــــــــــــي بهاي
تظل روحي اعله شوكك ولهلاوين
اتعبنهه ايام صدك ولهـــــــلاوين
ضحكتك ويــــن راحت والهلاوين
الفرح لوطـــــار جنت تجيبه اليه
وعليك بكل درب خليت العيون
تربي لشوفتك وتريـــــــــــــــــــــــد اتانيك
اكول من الصبح باجر اذا جيت
افك باب الكلب وبكلشي احــــــــــــــــاجيك
وسولفلك عليه وتفتهم كون
مــــــــــــــــــــن اسولفلك عليه وبيه ادليك
تبجيني اعله كيفك وابجي مرات
وابجيك وعلي لــــــــــــــــــــــوردت ابجيك
تمر بيه بصفنتي وشدهة البال
وتسد باب الخلك ليش مـــــــــــــن امر بيك
الدمع نقطة ضعف لاتعتقد طاح
الدمع معناهه احبك مــــــــــــــــــــن الاكيك
مثل واحد بهجرك ماتلمه
عليك الدمع عيني ماتلمه
افك حزني بغيابك ماتلمه
تفك بيدك صدر ملكاك اليه
وشفتني شلون من اشتاك واشتاك
الدرب بوسات لــــــــــــــــــــوشفتك اوزعه
واطش اسنين عمري اعله المسافات
امـــــــــــــــــــــــــل بعيون عاشكتك ازرعه
اسدعيني اعله طيفك واقفل الباب
فص العين مـــــــــــــــــــــــــن تطلع تشلعه
قفل جان اعله سر حبنه لشفتاك
قفلنــــــه ولادنت شفتي لشفتاك
تمـــر وبطيف شحجيلك لشفتاك
اعله خدالطيف تلكه اثار اديه
يالطيوفك اخوتي وكلهم اعزاز
اليموت بياكلب لـــــــــــــــــــو مات اشيعه
الك بيه حنين ايرجع المات
عـــــــــــــــــــــــدل جاليش طيفك مايرجعه
اجامل طيف غيرك من يمر يوم
واسولف عالجفن خاطـــــــــــــــــــر اقنعه
يسدبابه الجفن ومبينه زعلان
بوجه كــــــــــــــــــــل طيف مايقبل ارفعه
ابجي بلادمع من يوم الفراك
خايف مــــــــــــــــــــــــن ترد ماالكه دمعه
للشاعر
سعود الخفاجي
رد مع اقتباس
رد: قصيدة ((يمر الليل بيه ويكعدالليل))
