الى البلد\الذي يسير بلا حكومه

[ابو سجاد الركابي]

اليك ياسيد البلدان مع التحيه
الى وطن الاولياء ومهبط الانبياء \الى لؤ لؤة الارض الى الذي حبه فرض الى وطني الجريح:
يعراق وداعتك لا ما تطيح
ماتُذل وداعتك يابوالوفه
فوك روس الدول تاج انته تظل
وتبقه عنوان العلم والمعرفه
تبقى ذاك الشامخ بوجه الصعاب
اللي متهزه الرياح العاصفه
وتبقى ارضك ياعراق ارض السواد
ترابك ايضل ياعراق انه الشفه
ويبقى بيك فراتنه ودجله العظيم
ويبقى مايك للعليل انوصفه
وتظل سالوفة عشك طول السنين
ابكل مقام وكل مجال انسولفه
-----------------------------
والى اصحاب الجلاله والسعاده الساسه العظام بكل طوائفم واتجاهاتهم""""اقول:_
على اجتافي صعد واتناوش العنكود
وهو الجان يحلم يوصل ايضوكه
اكل منه وشبع وانه الكطعني الجوع
منه انتخم هو وترس صندوكه
كتله انطيني منه مو شريج اوياك
كال العنب خلص بس بقه اعثوكه
كتله شلون تقبل انه اظل جوعان؟
وبصبري تظل هالروح محروكه
كال اقبل تجوع وباجر البستان
تصبح كل ثمار اشجاره مسروكه
واذا ماترضه تقبل بالتعب والجوع
بستانك احركه واشلع اعروكه
روح ايكلي روح ونام ظل جوعان""
وشدلك عالبطن للجوع طابوكه
كتله ما اقبل ولك صح انته اخوي
تبوكني واسكت عكب ذاك القهر
انته هالبستان تركيته ومشيت
وانه من اجله انزفت دمي الحمر
انته نايم من مشيت ومستريح
وانه خلصت العمر هم وسهر
هسه اجيت وصعديتك عالجتوف
وعالالم من شيلتك كلبي صبر
كلت اخوي وجاني من بعد الغياب
ما دريتك لجلي تحفر هالحفر
لكن اعلم خل اكلك يالاجيت
يالبكتني ابسد حناني وحبي لك
هذا تعبي ويلعن من مد اديه
ايبوك تعبي وانه احذرنك ولك
ترى حلت لعنه اسميهه العراق
عاللي باكه وماتهنه ابس هلك
دير بالك من سكوتي اعل اللي صار
من اكوم اعليك اضيك هالفلك
هذا اقدس وطن سواه الاله
مثله مانلكه بلاد ولاملك
بيه علينه\\\\ الوطن هذه شرفنه وبيه علينه

وبيه حسين شامخ وبيه علينه
رد البكته منه وبيعه لينه
نقبل نشتري وتنسد القضيه
تحياتي لكم

اخي ابو سجاد
احسنت والله
سلمت يداك وصح لسانك
دعائي لك بالتوفيق
تمنياتي لك بالخير والسلامه

[بيبو سومي]

تسلم على الابيات الجميله والتي تتكلم عن الواقع المر؟؟؟؟؟؟؟؟؟

[ابو سجاد الركابي]

زهير العقابي\\تحياتي اليك واشكر مرورك ورقة كلماتك شكرا لك

[ابو سجاد الركابي]

بيبو سومي\\شكرا لك ولمرورك الكريم
حبي وودي لك ولجمال توقيعك وحبك للملوك

[ابو علي العراقي]

حياك الله ابو سجاد قصيده جميله بكل معاني الجمال تقبل تحياتي

[رنا العراقية]

على اجتافي صعد واتناوش العنكود
وهو الجان يحلم يوصل ايضوكه
اكل منه وشبع وانه الكطعني الجوع
منه انتخم هو وترس صندوكه
كتله انطيني منه مو شريج اوياك
كال العنب خلص بس بقه اعثوكه
كتله شلون تقبل انه اظل جوعان؟
وبصبري تظل هالروح محروكه
كال اقبل تجوع وباجر البستان
تصبح كل ثمار اشجاره مسروكه
واذا ماترضه تقبل بالتعب والجوع
بستانك احركه واشلع اعروكه
روح ايكلي روح ونام ظل جوعان""
وشدلك عالبطن للجوع طابوكه




صح السانك يلركابي

وكلام يوجع وبالعظم

تحياتي الك

[الحــر]

عزيزي ابو سجاد ,,,
بصراحة ابدعت بالوصف والتعبير
جزاك الله كل خير
ووفقك ربي دائماً